KeralaLatest NewsNews

ഗോൾവാൾക്കറുടെയും സവർക്കറുടെയും പുസ്​തകങ്ങൾ ഒഴിവാക്കും: കണ്ണൂർ സർവകലാശാല വൈസ്​ ചാൻസിലർ

കണ്ണൂർ : ആർ.എസ്.എസ് സൈദ്ധാന്തികരായ ഗോൾവാൾക്കറുടെയും സവർക്കറുടെയും പുസ്തകങ്ങൾ പഠിപ്പിക്കാനുള്ള തീരുമാനത്തിൽ നിന്നും ​കണ്ണൂർ സർവകലാശാല പിന്മാറി. പി.ജി സിലബസിൽ നിന്നും പുസ്തകങ്ങൾ ഒഴിവാക്കുമെന്ന്​ വൈസ് ​ചാൻസിലർ ഡോ. ഗോപിനാഥ്​ രവീന്ദ്രൻ അറിയിച്ചു. സിലബസി​ൽ മാറ്റം വരുത്തി നാലാം സെമസ്റ്ററിൽ പഠിപ്പിക്കും. സിലബസിൽ പോരായ്​മയുണ്ടെന്ന്​ വിദഗ്​ധ സമിതി കണ്ടെത്തിയെന്നും വി.സി വ്യക്തമാക്കി.

എത്ര പ്രതിഷേധം ഉണ്ടായാലും പിജി സിലബസ് പിൻവലിക്കില്ലെന്ന നിലപാടാണ് വൈസ് ചാൻസിലർ ഇപ്പോൾ മാറ്റിയത്. ഇന്ത്യയിലെ രാഷ്​ട്രീയപാർട്ടികളെ കുറിച്ച്​ പഠിക്കു​മ്പോൾ ബി.ജെ.പിയുടെ വളർച്ച വിദ്യാർത്ഥികൾ മനസിലാക്കണം. ഒരു തത്വശാസ്​ത്രത്തെ എതിർക്കാനാണെങ്കിലും അതിനെ കുറിച്ച്​ ധാരണയുണ്ടാവണം. അതിനാലാണ്​ ആർ.എസ്.എസ്​ സൈദ്ധാന്തികരുടെ പാഠഭാഗങ്ങൾ ഉൾപ്പെടുത്തിയിരുന്നത്​ എന്നായിരുന്നു സിലബസിനെ കുറിച്ച് വിസി അഭിപ്രായപ്പെട്ടിരുന്നത്.

Read Also  :  കോവിഡ്: ഉപജീവനത്തിന് തൊഴിലുറപ്പ് പദ്ധതിയുടെ പ്രാധാന്യം വലുതെന്ന് ആന്റോ ആന്റണി

എം.എസ് ഗോൾവാൾക്കറുടെ ‘നാം അഥവാ നമ്മുടെ ദേശീയത്വം നിര്‍വ്വചിക്കപ്പെടുന്നു’ (വീ ഔർ നാഷൻഹുഡ് ഡിഫൈൻസ്), വിചാരധാര (ബഞ്ച് ഓഫ് തോട്ട്സ്), വി.ഡി. സവർക്കറുടെ ‘ആരാണ് ഹിന്ദു’ എന്നീ പുസ്തകങ്ങളാണ്​ സിലബസിൽ ഉൾപ്പെടുത്തിയിരുന്നത്.

shortlink

Related Articles

Post Your Comments


Back to top button