കുട്ടികളുടെ അ​ശ്ലീ​ല ദൃ​ശ്യ​ങ്ങ​ൾ കാണുന്നവരെ തിരഞ്ഞ് മലപ്പുറത്ത് വ്യാപക പരിശോധന: ഓപറേഷന്‍ പി-ഹണ്ടിൽ ഒരാൾ അറസ്റ്റിൽ

നിലമ്പൂർ: ഓപ്പറേഷൻ പി ഹണ്ടിൽ കുടുങ്ങി യുവാവ്. വ​ഴി​ക്ക​ട​വ് വെ​ള്ള​ക്ക​ട്ട സ്വ​ദേ​ശി ചീ​നി​ക്ക​ല്‍ അ​ബ്​​ദു​ല്‍ വ​ദൂ​ദി​നെ​യാ​ണ്​ (31) വ​ഴി​ക്ക​ട​വ്​ പൊ​ലീ​സ്​ അ​റ​സ്​​റ്റ്​ ചെ​യ്ത​ത്. മൊബൈൽ ഫോണിൽ അ​ശ്ലീ​ല ദൃ​ശ്യ​ങ്ങ​ള്‍ കാ​ണു​ക​യും ഇത് പ്ര​ച​രി​പ്പി​ക്കു​ക​യും ചെയ്തുവെന്ന കുറ്റം ചുമത്തിയാണ് ഇയാളെ അറസ്റ്റ് ചെയ്തിരിക്കുന്നത്. അ​ശ്ലീ​ല ദൃ​ശ്യ​ങ്ങ​ള്‍ കാ​ണു​ക​യും ഇത് പ്ര​ച​രി​പ്പി​ക്കു​ക​യും ചെയ്യുന്നവർക്കായുള്ള വ്യാപക പരിശോധനയാണ് ജില്ലയിൽ നടക്കുന്നത്.

അബ്ദുൽ വദൂദ് പ​തി​വാ​യി ഇത്തരം അശ്‌ളീല ദൃശ്യങ്ങൾ കാണാറുണ്ടെന്നും ഡൗ​ണ്‍​ലോ​ഡ് ചെ​യ്ത് സൂ​ക്ഷി​ച്ച​താ​യും പ​രി​ശോ​ധ​ന​യി​ല്‍ ക​ണ്ടെ​ത്തി. ഇ​ത്ത​രം ദൃ​ശ്യ​ങ്ങ​ള്‍ പ​തി​വാ​യി കാ​ണു​ന്ന​വ​രെ​യും ഡൗ​ണ്‍​ലോ​ഡ് ചെ​യ്യു​ന്ന​വ​രെ​യും സൈ​ബ​ര്‍ സെ​ല്‍ വ​ഴി നി​രീ​ക്ഷി​ച്ച​ശേ​ഷ​മാ​ണ് പ​രി​ശോ​ധ​ന ന​ട​ത്തി​യ​ത്. വി​വി​ധ സ്​​റ്റേ​ഷ​ന്‍ പ​രി​ധി​ക​ളി​ല്‍ നി​ര​വ​ധി പേ​ര്‍​ക്കെ​തി​രെ പൊ​ലീ​സ്​ കേ​സെ​ടു​ത്തു. വ​ഴി​ക്ക​ട​വ്​ സ്​​റ്റേ​ഷ​നി​ല്‍ ഒ​രാ​ള്‍ അ​റ​സ്​​റ്റി​ലാ​യി.

Also Read: ഡൗ​ണ്‍​ലോ​ഡ് ചെ​യ്ത ദൃ​ശ്യ​ങ്ങ​ള്‍ പ്ര​ച​രി​പ്പി​ച്ചി​ട്ടു​ണ്ടോ​യെ​ന്നും പ​രി​ശോ​ധി​ക്കു​ന്നു​ണ്ട്. ക​ഴി​ഞ്ഞ കു​റെ നാ​ളു​ക​ളാ​യി സൈ​ബ​ര്‍ സെ​ല്‍ ഇ​വ​രെ നി​രീ​ക്ഷി​ച്ചു വ​രു​ക​യാ​യി​രു​ന്നു. പി​ടി​ച്ചെ​ടു​ത്ത മൊ​ബൈ​ല്‍​ഫോ​ണ്‍ കൂ​ടു​ത​ല്‍ പ​രി​ശോ​ധ​ന​ക​ള്‍​ക്കാ​യി ഫോ​റ​ന്‍​സി​ക് വി​ഭാ​ഗ​ത്തി​നു കൈ​മാ​റി. നി​രോ​ധി​ത സൈ​റ്റു​ക​ളി​ല്‍​നി​ന്ന്​ കു​ട്ടി​ക​ളു​ടെ അ​ശ്ലീ​ല വി​ഡി​യോ​ക​ള്‍ ഡൗ​ണ്‍​ലോ​ഡ് ചെ​യ്യു​ക​യോ കാ​ണു​ക​യോ ചെ​യ്തി​ട്ടു​ണ്ടെ​ന്ന് തെ​ളി​ഞ്ഞാ​ല്‍ പോ​ക്സോ കേ​സ് കൂ​ടി ചാ​ര്‍​ജ് ചെ​യ്യു​മെ​ന്ന് പൊ​ലീ​സ് അ​റി​യി​ച്ചു. സംസ്ഥാനത്ത് മുൻപും ഓപ്പറേഷൻ പി ഹണ്ടിൽ നിരവധി യുവാക്കൾ അറസ്റ്റിലായിരുന്നു. തിരുവനന്തപുരം ജില്ലയിൽ നൂറിലധികം ആളുകളെ നിരീക്ഷിച്ച പോലീസ് നിരവധി പേരെ അറസ്റ്റ് ചെയ്തിരുന്നു.