COVID 19Latest NewsNewsGulfQatar

വിദ്യാഭ്യാസ സ്​ഥാപനങ്ങള്‍ 100 ശതമാനം ഹാജരോടെ പ്രവര്‍ത്തിക്കാൻ അനുമതി നൽകി ഖത്തർ

ദോഹ : ഖത്തറിലെ സ്​കൂളുകളും സാധാരണ ഗതിയിലേക്ക്​. ഞായറാഴ്​ച മുതല്‍ മുഴുവന്‍ വിദ്യാര്‍ഥികള്‍ക്കും സ്​കൂളുകളിലെത്തി പഠനം തുടരാമെന്ന്​ വിദ്യഭ്യാസ, ഉന്നത വിദ്യഭ്യാസ മന്ത്രാലയം അറിയിച്ചു. കോവിഡ്​ ഇളവുകള്‍ പ്രാബല്യത്തില്‍ വരുന്ന ഒക്​ടോബര്‍ മൂന്ന്​ ഞായറാഴ്​ച മുതലായിരിക്കും മാറ്റങ്ങള്‍ നടപ്പിലാവുക.

Read Also : 70 വയസ്സിനു മുകളിലുള്ളവര്‍​​​ക്കും ഉംറ നിര്‍വഹിക്കാം : പുതിയ മാർഗ്ഗനിർദ്ദേശങ്ങളുമായി ഹജ്ജ്​ ഉംറ മന്ത്രാലയം  

വിദ്യഭ്യാസ സ്​ഥാപനങ്ങള്‍ക്ക്​ സര്‍ക്കാര്‍ നിശ്​ചയിച്ച പരമാവധി ശേഷിയില്‍ തന്നെ വിദ്യാര്‍ഥികള്‍ക്ക്​ പ്രവേശനം നല്‍കാം. അതേസമയം, ക്ലാസുകളിലും പുറത്തും കുട്ടികള്‍ തമ്മില്‍ ഒരുമീറ്റര്‍ അകലം പാലിക്കണം. കുട്ടികള്‍ പരസ്​പരം ഇടകലരുന്നില്ലെന്ന്​ സ്​കൂള്‍ അധികൃതര്‍ ഉറപ്പാക്കണം.

കിന്‍ഡര്‍ഗര്‍ട്ടന്‍, സ്​കൂള്‍, ഉന്നത വിദ്യഭ്യാസ കേന്ദ്രങ്ങള്‍ എന്നീ സ്​ഥാപനങ്ങള്‍ 100ശതമാനം ഹാജരോടെ പ്രവര്‍ത്തിക്കും. സ്​റ്റാഫ്​ റൂമുകളിലും ഓഫീസുകളിലും അധ്യാപകരും ജീവനക്കാരും സാമൂഹിക അകലം പാലിക്കണം. കുട്ടികളും ജീവനക്കാരും മാസ്​ക്​ അണിയുക, കൈകള്‍ സാനിറ്റൈസ്​ ചെയ്യുക, സ്​കൂളും പരിസരവും അണുനശീകരണം നടത്തുക തുടങ്ങിയ നിര്‍ദേശങ്ങളുമുണ്ട്​.

shortlink

Related Articles

Post Your Comments

Related Articles


Back to top button