Latest NewsNewsIndia

ഇന്ത്യയെ ഹിന്ദു രാഷ്ട്രമായി പ്രഖ്യാപിക്കണം: മൂക്കില്‍ വെള്ളമൊഴിച്ച്‌​ ജലസമാധിക്ക്​ ഒരുങ്ങി ആചാര്യ മഹാരാജ്

കന്നാസില്‍ വെള്ളവുമായി നില്‍ക്കുന്ന സന്യാസിയുടെ വിഡിയോ സോഷ്യല്‍ മീഡിയയില്‍ വൈറല്‍

അയോധ്യ: ഇന്ത്യയെ ഹിന്ദു രാഷ്ട്രമായി പ്രഖ്യാപിച്ചില്ലെങ്കില്‍ സരയൂ നദിയില്‍ ജലസമാധി അടയുമെന്ന്​ പ്രഖ്യാപിച്ച ജഗദ്ഗുരു പരമഹംസ് ആചാര്യ മഹാരാജ് വീട്ടുതടങ്കലിൽ. ഒക്ടോബര്‍ രണ്ടിനകം ഇന്ത്യ ഹിന്ദു രാഷ്ട്രമായി പ്രഖ്യാപിച്ചില്ലെങ്കില്‍ ജലസമാധി നടത്തുമെന്നായിരുന്നു ഇദ്ദേഹത്തിന്റെ പ്രഖ്യാപനം. സരയുവിലേക്ക് പോകുന്നത് യു.പി പൊലീസ്​ തടഞ്ഞതോടെ, പാത്രത്തില്‍ കൊണ്ടുവന്ന നദിയിലെ വെള്ളം​ മൂക്കിലൊഴിച്ച്‌​ മരിക്കുമെന്ന്​ ആചാര്യ മഹാരാജ് അറിയിച്ചു. കന്നാസില്‍ വെള്ളവുമായി നില്‍ക്കുന്ന സന്യാസിയുടെ വിഡിയോ സോഷ്യല്‍ മീഡിയയില്‍ വൈറലായി​.

read also: തിരുവനന്തപുരം കോര്‍പ്പറേഷനിലെ നികുതി തട്ടിപ്പ്: നഗരസഭയുടെ ഭരണം തകർക്കാന്‍ ലക്ഷ്യമിട്ടുള്ള ഗൂഢാലോചനയെന്ന് മേയര്‍

‘ഒക്ടോബര്‍ രണ്ടിനകം ഇന്ത്യ ഹിന്ദു രാഷ്ട്രമായി പ്രഖ്യാപിച്ചില്ലെങ്കില്‍ ജലസമാധി നടത്തുമെന്ന് ഞാന്‍ നേരത്തെ പ്രഖ്യാപിച്ചിരുന്നു. ഇപ്പോള്‍ ഭരണകൂടം എന്നെ വീട്ടുതടങ്കലിലാക്കി. പക്ഷേ വീട്ടുതടങ്കലിലാ​ണെങ്കിലും ഞാന്‍ സരയു വെള്ളം കൊണ്ടുവന്നതിനാല്‍ ജലസമാധി എടുക്കും. നമുക്ക് നോക്കാം. ദൈവഹിതമുണ്ടെങ്കില്‍, ഞാന്‍ വിജയിക്കും. ഹിന്ദു രാഷ്ട്രമായി പ്രഖ്യാപിച്ചാലേ ഇന്ത്യ രക്ഷിക്കപ്പെടുകയുള്ളൂ’ ആചാര്യ പറഞ്ഞു.

ജലസമാധിക്കുള്ള ഒരുക്കങ്ങള്‍ അയോധ്യയില്‍ നേരത്തെ ആരംഭിച്ചിരുന്നു. അനുയായികളടക്കം നിരവധി പേര്‍ ആചാര്യ മഹാരാജിന്‍റെ ആശ്രമത്തിന്​ സമീപം തടിച്ചുകൂടിയിട്ടുണ്ട്​. പൊലീസും സ്ഥലത്ത്​ ക്യാമ്ബ്​ ചെയ്യുന്നുണ്ട്​. മുമ്പ് ​ ചിതയൊരുക്കി സമാനമായ ഭീഷണി മഹാരാജ മുഴക്കിയിരുന്നു.

shortlink

Post Your Comments


Back to top button