കോട്ടയം : ചാരായ വില്‍പ്പനയിലും ഇന്‍സ്റ്റാള്‍മെന്റ് . കോട്ടയത്താണ് സംഭവം. തവണ വ്യവസ്ഥയില്‍ ചാരായ വില്പന നടത്തി വന്ന വയോധികന്‍ പിടിയിലായി. മൂന്നിലവില്‍ വാറ്റ് കേന്ദ്രം നടത്തിവന്നിരുന്ന വാറ്റുകാരിലെ ‘നന്മമരം’ എന്നറിയപ്പെട്ടിരുന്ന കാച്ചിക്ക അപ്പച്ചന്‍ എന്ന മൂത്തേടത്ത് വീട്ടില്‍ ദേവസ്യ(65) യെയാണ് എക്സൈസ് പിടികൂടിയത്.
Read Also : ആര്യന്റെ അറസ്‌റ്റോടെ പുറത്തുവന്നിരിക്കുന്നത് ബോളിവുഡുമായി ബന്ധപ്പെട്ട് ഞെട്ടിക്കുന്ന വിവരങ്ങള്‍
മൂന്നിലവ് ഉപ്പിടുപാറയില്‍ ആളൊഴിഞ്ഞ ഭാഗത്ത് വീട് വാടകയ്ക്ക് എടുത്തായിരുന്നു ഇയാള്‍ ചാരായം ഉണ്ടാക്കിയിരുന്നത്. വന്‍തോതില്‍ ചാരായം വാറ്റിയിരുന്ന ദേവസ്യ ആവശ്യക്കാര്‍ ആവശ്യപ്പെടുന്ന സ്ഥലത്ത് ചാരയം എത്തിച്ചു നല്‍കുകയാണ് പതിവ്.
ഇന്‍സ്റ്റാള്‍മെന്റ് വ്യവസ്ഥയില്‍ പൈസ അടച്ചാല്‍ മതിയെന്നതിനാല്‍ ആവശ്യക്കാരും കൂടുതലായിരുന്നു. ഉപഭോക്താക്കള്‍ക്കിടയില്‍ നന്മമരം എന്നാണ് ദേവസ്യ അറിയപ്പെട്ടിരുന്നത്.
ഏറെ നാളായി എക്സൈസ് സംഘം ഇയാളെ നിരീക്ഷിച്ചു വരികയായിരുന്നു . നിരവധി കേസുകളിലെ പ്രതിയാണ് ദേവസ്യ. ഇയാളുടെ പക്കല്‍ നിന്ന് എട്ടു ലിറ്റര്‍ ചാരായവും 100 ലിറ്റര്‍ വാഷും ചാരായ നിര്‍മ്മാണ ഉപകരണങ്ങളും കണ്ടെത്തി.
Post Your Comments