‘മറ്റാരും സഞ്ചരിക്കാത്ത വഴികളിലൂടെ മോദി സഞ്ചരിക്കുന്നു, ലോകം കീഴടക്കുന്നു’: പ്രശംസിച്ച് സന്ദീപ് വാര്യർ

തിരുവനന്തപുരം : പ്രധാനമന്ത്രി നരേന്ദ്ര മോദിയെ പ്രശംസിച്ച് ബിജെപി വക്താവ് സന്ദീപ് വാര്യർ. മറ്റാരും സഞ്ചരിക്കാത്ത വളികളിലൂടെ സഞ്ചരിച്ച് നരേന്ദ്ര മോദി ലോകം കീഴടക്കുകയാണെന്ന് അദ്ദേഹം പറഞ്ഞു. ലോകരാഷ്ട്രങ്ങളിലെ നേതാക്കളുമായി മോദി സംസാരിക്കുന്ന ചിത്രം ഫേസ്ബുക്കിൽ പങ്കുവച്ചുകൊണ്ടായിരുന്നു സന്ദീപ് വാര്യരുടെ പ്രശംസ.
.
‘മോദിയുടെ നയതന്ത്രം ഔട്ട് ഒഫ് ദ ബോക്‌സ് ചിന്തകളാണ്. മറ്റാരും സഞ്ചരിക്കാത്ത വഴികളിലൂടെ മോദി സഞ്ചരിക്കുന്നു , ലോകം കീഴടക്കുന്നു. ആ സത്യം ഈ ചിത്രം പറയുന്നുണ്ട്’ –  സന്ദീപ് വാര്യർ ചിത്രം പങ്കുവച്ചുകൊണ്ട് ഫേസ്ബുക്കിൽ കുറിച്ചു.

അമേരിക്കൻ പ്രസിഡന്റ് ജോ ബൈഡൻ ഉൾപ്പടെയുള്ള നേതാക്കൾക്കൊപ്പമുള്ള മോദിയുടെ ചിത്രം കഴിഞ്ഞ ദിവസം പ്രധാനമന്ത്രിയുടെ ഓഫീസ് ട്വീറ്റ് ചെയ്തിരുന്നു. ഇതിന് പിന്നാലെയാണ് സന്ദീപ് വാര്യർ രംഗത്തെത്തിയത്.