KeralaLatest NewsIndia

നിയമവിരുദ്ധമായി മതപരിവർത്തനം: രണ്ട് മലയാളി പാസ്റ്റർമാർ ബീഹാറിൽ അറസ്റ്റിൽ

മതപരിവർത്തനത്തിന് പ്രതിമാസം ഇവർ 12,000 രൂപ പ്രതിഫലം വാങ്ങിയിരുന്നതായും പാസ്റ്റർ ജോർജ് ചോദ്യം ചെയ്യലിൽ വെളിപ്പെടുത്തി.

പാറ്റ്‌ന: ബിഹാറിലെ സുപോൾ ജില്ലയിൽ ശനിയാഴ്ച പാവപ്പെട്ട ആളുകളെ ക്രിസ്തുമതത്തിലേക്ക് പ്രലോഭിപ്പിച്ച് എത്തിക്കുന്ന മതപരിവർത്തന റാക്കറ്റ് തകർത്ത് പോലീസ്. സംഭവത്തിൽ കേരളത്തിൽ നിന്നുള്ള രണ്ട് പാസ്റ്റർമാരെ പിടികൂടി. നാട്ടുകാരിൽ ചിലർ വിവരം പോലീസിൽ അറിയിച്ചതിനെ തുടർന്ന് പോലീസിന്റെ അന്വേഷണത്തിൽ സുപോൾ ജില്ലയിലെ ജനങ്ങൾക്കിടയിൽ മലയാളി പാസ്റ്റർമാർ ബൈബിൾ വിതരണം ചെയ്യുന്നത് കണ്ടെത്തി.

സുപോളിലെ ഭീംപൂരിലെ കിയോല്ല ഗ്രാമത്തിൽ ആളുകളെ നിയമവിരുദ്ധമായി ക്രിസ്തുമതത്തിലേക്ക് പരിവർത്തനം ചെയ്യുന്നത് ഈ രണ്ട് പുരോഹിതന്മാരും ഉൾപ്പെട്ട മതപരിവർത്തന റാക്കറ്റ് ആണെന്ന് കണ്ടെത്തി. റിപ്പോർട്ടുകൾ പ്രകാരം, പാസ്റ്റർ ജോർജും റിഷുവും സുപോൾ ജില്ലയിലെ ഭേലാഹി പ്രദേശത്തെ വാടക വീട്ടിലാണ് താമസിച്ചിരുന്നത്. മതപരിവര് ത്തനത്തിന് പ്രതിമാസം ഇവർ 12,000 രൂപ പ്രതിഫലം വാങ്ങിയിരുന്നതായും പാസ്റ്റർ ജോർജ് ചോദ്യം ചെയ്യലിൽ വെളിപ്പെടുത്തി.

ഈ പുരോഹിതന്മാരിൽ നിന്ന് ആളുകൾക്ക് ക്രിസ്ത്യൻ മതത്തിലേക്ക് പരിവർത്തനം ചെയ്യാനുള്ള പണവും നൽകി, അവർ ഗ്രാമത്തിലെ നിരവധി ആളുകളെ ക്രിസ്തുമതത്തിലേക്ക് മതപരിവർത്തനം ചെയ്തതായും ഇയാൾ പോലീസിനോട് വെളിപ്പെടുത്തി. ഭീംപൂർ പോലീസ് രണ്ട് മലയാളി വൈദികരെയും കസ്റ്റഡിയിലെടുത്ത് അന്വേഷണം ആരംഭിച്ചു.

ഇവരിൽ ഒരാൾ സ്ത്രീയാണ്. ഇവരുടെ രേഖകളും മറ്റും പോലീസ് പരിശോധിച്ചുവരികയാണ്. റിപ്പോർട്ടുകൾ പ്രകാരം, വിഷയത്തിൽ രേഖാമൂലം പരാതി നൽകിയിട്ടില്ല. രണ്ട് പുരോഹിതന്മാരും കഴിഞ്ഞ കുറേ വർഷങ്ങളായി പ്രദേശത്ത് ആളുകളെ പ്രലോഭിപ്പിച്ചു ക്രിസ്ത്യൻ മതത്തിലേക്ക് പരിവർത്തനം ചെയ്തിരുന്നതായും റിപ്പോർട്ടുകൾ സൂചിപ്പിക്കുന്നു.

shortlink

Related Articles

Post Your Comments


Back to top button