പാർലമെന്‍റ്​ അംഗങ്ങളുടെ പ്രാദേശിക വികസന ഫണ്ട് പുനഃസ്ഥാപിച്ചു

ന്യൂഡൽഹി: പാർലമെന്‍റ്​ അംഗങ്ങളുടെ പ്രാദേശിക വികസന ഫണ്ട് പുനഃസ്ഥാപിച്ചു. കേന്ദ്രമന്ത്രിസഭാ യോഗത്തിലാണ് പുതിയ തീരുമാനം. മണ്ഡലത്തിലെ വികസന പ്രവർത്തനങ്ങൾക്ക് ഉപയോഗിക്കാൻ ഓരോ സാമ്പത്തിക വർഷവും അഞ്ച് കോടി രൂപ വീതമാണ് ഇനി മുതൽ ലഭിക്കുക.

Also Read : കേരളത്തിൽ സിനിമാ ടൂറിസം ആരംഭിക്കും, ഇഷ്ട ലൊക്കേഷൻ ഏതൊക്കെ?: ചോദ്യവുമായി പി എ മുഹമ്മദ്‌ റിയാസ്

കേന്ദ്ര വാർത്ത വിതരണകാര്യ മന്ത്രി അനുരാഗ്​ താക്കൂർ ആണ് പുതിയ തീരുമാനം മാധ്യമങ്ങളെ അറിയിച്ചത്.  ഈ സാമ്പത്തിക വർഷം രണ്ടു കോടി രൂപ ഓരോ പാർലമെന്റ് അംഗത്തിനും ലഭിക്കും . രാജ്യത്തു കോവിഡ്​ വ്യാപനം രൂക്ഷമായ പശ്ചാത്തലത്തിലാണ്​ കേന്ദ്ര സർക്കാർ എം.പി ഫണ്ട്​ വിതരണം നിർത്തിവെച്ചത്​. ഇതിനെതിരെ പാർലമെന്‍റ്​ അംഗങ്ങളിൽ നിന്നടക്കം വ്യാപക വിമർശനം നേരിട്ടിരുന്നു. 2019 ആദ്യം ഫണ്ട്​ വിതരണം ചെയ്​തതിന്​ ശേഷം പിന്നീട്​ തുക നൽകിയിരുന്നില്ല. എന്നാൽ ഉയർന്ന തുക ഇനി മുതൽ വിതരണം ചെയ്യുമെന്ന് കേന്ദ്ര സർക്കാർ അറിയിച്ചു.