തിരുവനന്തപുരം: ഇന്ധനികുതി കുറക്കണമെന്ന് ആവശ്യപ്പെട്ട് യു.ഡി.എഫിന്റെ വേറിട്ട പ്രതിഷേധം. പ്രതിപക്ഷ നേതാവ് വി.ഡി.സതീശന്റെ നേതൃത്വത്തിൽ എം.എൽ.എ ഹോസ്റ്റലിൽ നിന്നും യു.ഡി.എഫ് എം.എൽ.എമാർ സൈക്കിൾ ചവിട്ടിയാണ് നിയമസഭയിലെത്തിയത്.
സംസ്ഥാന സർക്കാർ ജനദ്രോഹ നടപടികളാണ് നടത്തുന്നതെന്ന് അദ്ദേഹം പറഞ്ഞു.നികുതി കുറക്കാത്ത സംസ്ഥാന സർക്കാറിന്റെയും നാമമാത്രമായ കുറവ് വരുത്തിയ കേന്ദ്രസർക്കാറിന്റെയും സമീപനത്തിനെതിരെയാണ് യു.ഡി.എഫ് പ്രതിഷേധമെന്ന് പ്രതിപക്ഷ നേതാവ് വി.ഡി.സതീശൻ പറഞ്ഞു.
പഞ്ചാബ് കുറച്ചപ്പോൾ അവിടെ തെരഞ്ഞെടുപ്പ് വരുന്നതിനാലാണ് ഇളവ് നൽകിയതെന്ന് പറഞ്ഞു. നേരത്തെ കേന്ദ്രസർക്കാർ കുറച്ചാൽ ഇളവ് നൽകാമെന്നായിരുന്നു മുൻ ധനമന്ത്രി തോമസ് ഐസക് പറഞ്ഞിരുന്നതെന്നും സതീശൻ ഓർമിപ്പിച്ചു. കേന്ദ്രസർക്കാർ നികുതി ഇനിയും കുറക്കണമെന്നും അദ്ദേഹം ആവശ്യപ്പെട്ടു.
Post Your Comments