മുംബൈ: എൻസിപി നേതാവും മന്ത്രിയുമായ നവാബ് മാലിക്കിന്റെ ആരോപണങ്ങൾ തള്ളി സമീർ വാങ്കഡെയുടെ പിതാവിന്റെ നിർണായക നീക്കം. എൻസിബി മുംബൈ സോണൽ ഡയറക്ടർ സമീർ വാങ്കഡെയുടെ പിതാവ് ധ്യാൻദേവ് വാങ്കഡെയ്ക്കുവേണ്ടി ഹാജരായ അഭിഭാഷകൻ അർഷാദ് ഷെയ്ഖ്, എൻസിപി നേതാവ് നവാബ് മാലിക്കിന്റെ പരാമർശങ്ങൾ, ആരോപണങ്ങൾ എന്നിവയ്ക്കെതിരെ തന്റെ കക്ഷിയുടെ 28 അനുബന്ധ രേഖകൾ ബോംബെ ഹൈക്കോടതിയിൽ സമർപ്പിച്ചു.
നവാബ് മാലിക് ധ്യാൻദേവ് വാങ്കെഡെയ്ക്കും കുടുംബത്തിനുമെതിരെ അപകീർത്തികരമായ പരാമർശങ്ങൾ നടത്തിയിരുന്നു. ഇതിൽ പ്രധാനമായി ഉള്ളത് അദ്ദേഹം ദളിതൻ അല്ലെന്നായിരുന്നു. എന്നാൽ ധ്യാൻദേവ് വാങ്കഡെയുടെ ജാതി സർട്ടിഫിക്കറ്റ് അഭിഭാഷകൻ അർഷാദ് ഷെയ്ഖ് കോടതിയിൽ സമർപ്പിച്ചു, അതിൽ രണ്ടാമത്തേത് മഹാരാഷ്ട്ര ഉൾപ്പെടെ 16 സംസ്ഥാനങ്ങളിൽ പട്ടികജാതി പട്ടികയിലുള്ള ഹിന്ദു മഹാർ ജാതിയിൽപ്പെട്ടവരാണെന്ന് തെളിവുകളും നിരത്തി.
ജാതി സർട്ടിഫിക്കറ്റിന് പുറമേ, സമീർ വാങ്കഡെയുടെ പിതാവിന്റെ പേര് ധ്യാൻഡിയോ എന്നും ജാതി മഹർ എന്നും കാണിച്ച് ബോംബെ ഹൈക്കോടതിയിൽ സമീർ വാങ്കഡെയുടെ സ്കൂൾ ലീവ് സർട്ടിഫിക്കറ്റും അഭിഭാഷകൻ ഷെയ്ഖ് സമർപ്പിച്ചു.
സമീർ വാങ്കഡെയുടെയും കുടുംബാംഗങ്ങളുടെയും സത്യസന്ധതയ്‌ക്ക് പുറമെ തന്റെ ജാതിയും മതവും ചോദ്യം ചെയ്‌ത എൻസിബി ഓഫീസറായ വാങ്കഡെയ്‌ക്കെതിരായ നവാബ് മാലിക്കിന്റെ പരസ്യ ആക്രമണങ്ങൾക്ക് മറുപടിയായാണ് ഇത് കോടതിയിൽ സമർപ്പിച്ചത്. മാലിക്കിന്റെ ആരോപണം, പരീക്ഷകളിൽ വിജയിക്കാനും റിസർവേഷനിലൂടെ ജോലി നേടാനും വാങ്കഡെ തന്റെ ജനന സർട്ടിഫിക്കറ്റ് വ്യാജമായി ഉണ്ടാക്കി എന്നായിരുന്നു.
Post Your Comments