നിയമം കൊണ്ട് വന്നതും പ്രശ്നം, പിൻവലിച്ചതും പ്രശ്നം, യഥാർത്ഥത്തിൽ എന്താണ് പ്രിയങ്കയുടെ പ്രശ്നം: അദിതി സിങ്​

ദില്ലി: കാർഷിക നിയമങ്ങൾ പിൻവലിച്ചിട്ടും സർക്കാരിനെതിരെ അനാവശ്യ വിമർശനങ്ങൾ ഉന്നയിക്കുന്ന പ്രിയങ്ക ഗാന്ധിയെ ചോദ്യം ചെയ്ത് വിമത എംഎൽഎ അദിതി സിങ്. സംഭവത്തെ പ്രിയങ്ക ഗാന്ധി രാഷ്​ട്രീയവത്​കരിക്കാന്‍ ശ്രമിക്കുകയാണെന്നും, അദിതി കുറ്റപ്പെടുത്തി. അവര്‍ യഥാര്‍ഥ പ്രശ്​നങ്ങളില്‍നിന്ന്​ പുറത്തുപോകുന്നുവെന്നും അദിതി പ്രതികരിച്ചു.

Also Read:ബിനാമി സ്ഥാപനങ്ങളെ കണ്ടെത്താൻ ആർട്ടിഫിഷ്യൽ ഇന്റലിജൻസ് സാങ്കേതിക വിദ്യയുമായി സൗദി

‘ആദ്യം ബില്ലുകള്‍ കൊണ്ടുവന്നപ്പോള്‍ പ്രിയങ്ക ഗാന്ധിക്ക്​ പ്രശ്​നമായിരുന്നു. നിയമങ്ങള്‍ എടുത്തുമാറ്റിയപ്പോഴും അവര്‍ക്ക്​ പ്രശ്​നം. എന്താണ്​ അവര്‍ക്ക്​ വേണ്ടത്​? അവര്‍ അത്​ വ്യക്തമായി പറയണം. ഇതിനെ രാഷ്​ട്രീയവത്​കരിക്കാന്‍ മാത്രമാണ്​ അവരുടെ ശ്രമം. ഇതിനെ രാഷ്​ട്രീയവത്​കരിച്ച്‌​ അവര്‍ യഥാര്‍ഥ പ്രശ്​നങ്ങളില്‍നിന്ന്​ പുറത്തുപോകുന്നു’, അദിതി സിങ്​
പറഞ്ഞു.

‘ലഖിംപൂര്‍ ഉള്‍പ്പെടെയുള്ള വിഷയങ്ങളെ രാഷ്​ട്രീയവത്​കരിക്കാനാണ്​ പ്രിയങ്ക ഗാന്ധിയുടെ ശ്രമം. പ്രിയങ്ക എല്ലാത്തിനെയും രാഷ്​ട്രീയവത്​കരിക്കുന്നു. ലഖിംപൂര്‍ സംഭവത്തില്‍ സി.ബി.ഐ അന്വേഷണം നടക്കുന്നു. സുപ്രീംകോടതി അതിനെ നിരീക്ഷിക്കുകയും ചെയ്യുന്നു. പ്രിയങ്കക്ക്​ ഭരണഘടന സ്​ഥാപനങ്ങളില്‍ വിശ്വാസമില്ലെങ്കില്‍ മറ്റാരെയാണ്​ വിശ്വസിക്കുകയെന്ന കാര്യം തനിക്ക്​ മനസിലാകുന്നില്ല’, അദിതി സിങ്​ കൂട്ടിച്ചേർത്തു.