പേരാവൂര്‍: സ്‌കൂളില്‍ നിന്നും ക്ലാസ് കഴിഞ്ഞ് വരുകയായിരുന്ന വിദ്യാര്‍ഥിയെ തട്ടിക്കൊണ്ടുപോകാന്‍ ശ്രമിച്ചതായി പരാതി. തിങ്കളാഴ്ചയാണ് സംഭവം. പേരാവൂര്‍ സെൻറ് ജോസഫ്സ് ഹയര്‍ സെക്കൻഡറി എട്ടാം ക്ലാസ് വിദ്യാർഥിയെയാണ് തട്ടിക്കൊണ്ടുപോകാന്‍ ശ്രമിച്ചത്. സ്കൂൾ വിട്ട് വരുന്ന വഴിയിലാണ് സംഭവം.
ഹൈസ്‌കൂളില്‍ നിന്നിറങ്ങി പേരാവൂര്‍ ശ്രീകൃഷ്ണ ക്ഷേത്രം വഴി മെയിന്‍ റോഡില്‍ പ്രവേശിക്കുന്നതിനിടെ കറുത്ത കാറില്‍ നിന്ന് രണ്ടുപേര്‍ ഇറങ്ങി കുട്ടിയെ ബലമായി പിടിച്ചു കാറില്‍ കയറ്റാന്‍ ശ്രമിച്ചുവെന്നും കുതറിയോടിയാണ് രക്ഷപ്പെട്ടതെന്നും വിദ്യാര്‍ഥി പറഞ്ഞു.
Read Also : നാടോടി പെണ്‍കുട്ടിയെ പീഡിപ്പിച്ച കേസ് : രാജസ്ഥാന്‍ സ്വദേശി പിടിയിൽ
തുടർന്ന് വിദ്യാര്‍ഥിയുടെ പിതാവ് സംഭവം സ്‌കൂള്‍ അധികൃതരെ അറിയിക്കുകയും സ്‌കൂള്‍ അധികൃതര്‍ പേരാവൂര്‍ പൊലീസില് പരാതി നല്‍കുകയും ചെയ്തു. സംഭവത്തില്‍ പേരാവൂർ പൊലീസ് അന്വേഷണം ആരംഭിച്ചു.
Post Your Comments