ദ​മ്പ​തി​കൾക്ക് നേരെ ക്വട്ടേഷന്‍ ആക്രമണം:ത​ട്ടി​ക്കൊ​ണ്ടു​പോ​യ കാ​ര്‍ ക്വാ​റി​യി​ല്‍ ഉ​പേ​ക്ഷി​ച്ച നി​ല​യി​ല്‍

കാ​ഞ്ഞ​ങ്ങാ​ട്: ദ​മ്പ​തി​ക​ളെ പ​ട്ടാ​പ്പ​ക​ല്‍ വീ​ടു ക​യ​റി ആ​ക്ര​മി​ച്ച സംഭവത്തിലെ ത​ട്ടി​ക്കൊ​ണ്ടു ​പോ​യ കാർ ഉപേക്ഷിച്ച നിലയിൽ കണ്ടെത്തി. ഉ​പ​യോ​ഗ ശൂ​ന്യ​മാ​യ ചെ​ങ്ക​ല്‍ ക്വാ​റി​യി​ല്‍ ആണ് കാർ കണ്ടെത്തിയത്.

കാ​ഞ്ഞ​ങ്ങാ​ട് ദു​ര്‍ഗ ഹൈ​സ്കൂ​ൾ റോ​ഡി​ലെ ഗ​ണേ​ഷ് മ​ന്ദി​ര​ത്തി​നു പി​റ​കു വ​ശം താ​മ​സി​ക്കു​ന്ന ദേ​വ​ദാ​സിന്റെ പു​തി​യ ഇ​ന്നോ​വ കാ​റാ​ണ് കണ്ടെത്തിയത്. നീ​ലേ​ശ്വ​രം പൊ​ലീ​സ് സ്​​റ്റേ​ഷ​ന്‍ പ​രി​ധി​യി​ലെ ക​രി​ന്ത​ളം, കൊ​ല്ലം​പാ​റ ഉ​മി​ച്ചി​പ്പൊ​യി​ലി​ലെ വി​ജ​ന​മാ​യ ചെ​ങ്ക​ല്‍ ക്വാ​റി​യി​ല്‍ ഉ​പേ​ക്ഷി​ക്ക​പ്പെ​ട്ട നി​ല​യി​ല്‍ കാർ ക​ണ്ടെ​ത്തി​യ​ത്. ഇ​തു വ​ഴി ന​ട​ന്നു പോ​യ​വ​രാ​ണ് കാ​ര്‍ നി​ര്‍ത്തി​യി​ട്ട നി​ല​യി​ല്‍ ആ​ദ്യം ക​ണ്ട​ത്. തുടർന്ന് ഇവർ വി​വ​രം നീ​ലേ​ശ്വ​രം പൊ​ലീ​സി​ൽ അ​റി​യി​ക്കു​ക​യാ​യി​രു​ന്നു.

വി​വ​ര​മ​റി​ഞ്ഞ് ഹോ​സ്ദു​ര്‍ഗ് പൊ​ലീ​സ് പി.​കെ. ഷൈ​നിന്റെ നേ​തൃ​ത്വ​ത്തി​ലു​ള്ള പൊ​ലീ​സ് സ്ഥ​ല​ത്തെ​ത്തി കാ​റി​നു കാ​വ​ല്‍ ഏ​ര്‍പ്പെ​ടു​ത്തി. കാ​റിന്റെ ഡോ​ര്‍ തു​റ​ന്നുവെ​ച്ച നി​ല​യി​ലാ​യി​രു​ന്നു. പ​ഞ്ച​റാ​യ ട​യ​ര്‍ മാ​റ്റി സ്​​​റ്റെ​പ്പി​നി ട​യ​ര്‍ ഘ​ടി​പ്പി​ച്ച നി​ല​യി​ലും ബാ​റ്റ​റി​യു​ടെ വ​യ​റു​ക​ള്‍ ഊ​രിവെച്ച നി​ല​യി​ലു​മാ​യി​രു​ന്നു കാ​ര്‍. ഫോ​റ​ന്‍സി​ക് വി​ദ​ഗ്ധ​ര്‍ പ​രി​ശോ​ധ​ന ന​ട​ത്തി​യ ശേ​ഷം കാ​ര്‍ ക​സ്​​റ്റ​ഡി​യി​ലെ​ടു​ക്കു​മെ​ന്ന് പൊ​ലീ​സ് പ​റ​ഞ്ഞു.

Read Also : എ​ച്ചി​പ്പാ​റ​യി​ല്‍ വീ​ടി​നു​ നേ​രെ കാ​ട്ടാ​ന​ക്കൂട്ടത്തിന്റെ ആക്രമണം

സാ​മ്പ​ത്തി​ക ഇ​ട​പാ​ടു​മാ​യി ബ​ന്ധ​പ്പെ​ട്ട ത​ര്‍ക്ക​ത്തിന്റെ പേ​രി​ല്‍ ആയിരുന്നു ആക്രമണം. വീ​ടു​ക​യ​റി ദേ​വ​ദാ​സി​നെ​യും ഭാ​ര്യ​യെ​യും ആ​ക്ര​മി​ച്ചു കാ​റും 40 പ​വ​നും 20,000 രൂ​പ​യും കൊ​ള്ള​യ​ടി​ച്ചു​വെ​ന്നാ​ണ് കേ​സ്. ന​വം​ബ​ര്‍ 12ന് ​ഉ​ച്ച​ക്കാണ് കേസിനാസ്പദമായ സംഭവം. അ​ഞ്ചം​ഗ​സം​ഘം വീട്ടിൽ അതിക്രമിച്ച് കയറി ദേ​വ​ദാ​സി​നെ​യും ല​ളി​ത​യെ​യും ആ​ക്ര​മി​ക്കുകയായിരുന്നു.

കേ​സി​ല്‍ മൂ​ന്നാം മൈലിലെ രാ​ജേ​ന്ദ്ര​പ്ര​സാ​ദ്, ബാ​ലൂ​രി​ലെ സു​രേ​ശ​ന്‍ എ​ന്നി​വ​രെ പൊലീസ് നേരത്തെ അ​റ​സ്​​റ്റ്​ ചെ​യ്തി​രു​ന്നു. മ​റ്റു പ്ര​തി​ക​ളാ​യ മു​കേ​ഷ്, ദാ​മോ​ദ​ര​ന്‍, അ​ശ്വി​ന്‍ എ​ന്നി​വ​ര്‍ക്കാ​യു​ള്ള തി​ര​ച്ചി​ല്‍ നടക്കുന്ന​തി​നി​ട​യി​ലാ​ണ് കാ​ര്‍ ക​ണ്ടെ​ത്തി​യ​ത്.