ചൈനീസ് വാക്സിന്റെ ഗുണനിലവാരം സംശയത്തിൽ: വാക്സിൻ സ്വീകരിച്ച മൂന്ന് പേർ മരിച്ചു

ഹാനോയ്: ചൈനീസ് കൊവിഡ് വാക്സിന്റെ ഗുണനിലവാരം സംശയത്തിൽ. ചൈനീസ് കൊവിഡ് വാക്സിൻ സ്വീകരിച്ച് വിയറ്റ്നാമിൽ മൂന്ന് പേർ മരിച്ചു. താൻ ഹോവയിൽ വെറോ സെൽ കൊവിഡ് വാക്സിൻ സ്വീകരിച്ചവരാണ് മരിച്ചത്.

Also Read:അഫ്ഗാനിസ്ഥാനിൽ കുട്ടികൾക്ക് നേരെ ഭീകരാക്രമണം: 4 മരണം; പിന്നിൽ ഐ എസ് എന്ന് സൂചന

ചൊവ്വാഴ്ച വാക്സിൻ സ്വീകരിച്ച ചെരുപ്പ് കട ജീവനക്കാരിയായ മുപ്പത് വയസ്സുകാരിയാണ് ഏറ്റവും ഒടുവിൽ മരിച്ചത്. വാക്സിൻ സ്വീകരിച്ച മുപ്പത് സ്ത്രീകൾക്ക് പാർശ്വഫലങ്ങളുണ്ടായി. അതിൽ അഞ്ച് പേർക്ക് അസ്വസ്ഥതകൾ ഗുരുതരമായി.

ഈ അഞ്ച് പേരിൽ മൂന്ന് പേരാണ് മരിച്ചത്. ചൈനീസ് വാക്സിൻ സ്വീകരിച്ചവരിൽ 25 വയസ്സിനും 30 വയസ്സിനും ഇടയിൽ പ്രായമുള്ളവർക്കാണ് ആരോഗ്യ പ്രശ്നങ്ങൾ ഉണ്ടായതെന്ന് പ്രാദേശിക മാധ്യമം റിപ്പോർട്ട് ചെയ്യുന്നു. പാർശ്വഫലങ്ങൾ മൂലം ചികിത്സ തേടുന്നവരുടെ എണ്ണം വർദ്ധിക്കുകയാണെന്നും റിപ്പോർട്ടിൽ പറയുന്നു.