കോഴിക്കോട്: ഭര്‍ത്താവ് മരിച്ച മനോവിഷമത്തില്‍ അമ്മയും രണ്ട് മക്കളും തീ കൊളുത്തി ആത്മഹത്യ ചെയ്തു. പേരാമ്പ്ര മുളിയങ്ങല്‍ സ്വദേശികളായ പ്രിയ (32) മക്കളായ പുണ്യതീര്‍ത്ഥ (13) നിവേദിത (4) എന്നിവരാണ് മരിച്ചത്.
പേരാമ്പ്രയില്‍ പുലര്‍ച്ചെ 2.30 ഓടെയായിരുന്നു സംഭവം. വീട്ടില്‍ നിന്ന് ശബ്ദം കേട്ടതിനെ തുടര്‍ന്നാണ് ബന്ധുക്കള്‍ ഓടി എത്തിയത്. ആളുകള്‍ എത്തുമ്പോഴേയ്ക്കും മൂവരുടെയും ദേഹത്തേയ്ക്ക് തീ ആളിപ്പടര്‍ന്നിരുന്നു. തുടര്‍ന്ന് ഇവരെ മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
Read Also : പത്തുവര്‍ഷത്തിന് ശേഷം കെഎസ്ആര്‍ടിസിയില്‍ ശമ്പളപരിഷ്‌കരണം: പുതുക്കിയ ശമ്പളം ജനുവരി മുതല്‍
എട്ട് മാസം മുമ്പാണ് പ്രിയയുടെ ഭര്‍ത്താവ് ഹൃദയാഘാതത്തെ തുടര്‍ന്ന് മരിച്ചത്. ഇതിനെ തുടര്‍ന്ന് പ്രിയ കടുത്ത മാനസിക വിഷമത്തിലായിരുന്നുവെന്ന് ബന്ധുക്കള്‍ പറയുന്നു.
Post Your Comments