ഇന്ത്യൻ ക്യാപ്റ്റൻ സ്ഥാനം ഒഴിയാൻ കോഹ്‌ലി നിർബന്ധിതനായി: ഷോയിബ് അക്തർ

കറാച്ചി: ഇന്ത്യൻ ക്യാപ്റ്റൻ സ്ഥാനം ഒഴിയാൻ വിരാട് കോഹ്‌ലി നിർബന്ധിതനായെന്ന് മുൻ പാകിസ്ഥാൻ ക്രിക്കറ്റ് താരം ഷൊയ്ബ് അക്തർ. കഴിഞ്ഞ വർഷം കോഹ്‌ലി ടി20 ഐ ക്യാപ്റ്റൻ സ്ഥാനം ഒഴിഞ്ഞിരുന്നു. തുടർന്ന് ഏകദിന നായക സ്ഥാനത്ത് നിന്ന് അദ്ദേഹത്തെ മാറ്റുകയും ചെയ്തു. ഏഴ് വർഷത്തോളം ടീമിനെ നയിച്ചതിന് ശേഷം കഴിഞ്ഞ ആഴ്ചയാണ് കോഹ്‌ലി ഇന്ത്യയുടെ ടെസ്റ്റ് ക്യാപ്റ്റൻ സ്ഥാനം ഒഴിഞ്ഞത്.

‘വിരാട് ക്യാപ്റ്റൻ സ്ഥാനം ഉപേക്ഷിച്ചില്ല, പക്ഷേ അത് ചെയ്യാൻ നിർബന്ധിതനായി. ഇത് അദ്ദേഹത്തിന്റെ ഏറ്റവും മികച്ച സമയമല്ല, പക്ഷേ താൻ എന്താണ് കരിയറിൽ നേടിയതെന്ന് തെളിയിക്കേണ്ടതുണ്ട്. അവൻ ഉരുക്കിലോ ഇരുമ്പിലോ ഉണ്ടാക്കിയതാണോ? അവൻ ഒരു മികച്ചൊരു വ്യക്തിയും നല്ലൊരു ക്രിക്കറ്റ് കളിക്കാരനുമാണ്. അധിക കാര്യങ്ങളിൽ ശ്രദ്ധിക്കരുത്’.

‘എവിടെയാണെങ്കിലും പോയി ക്രിക്കറ്റ് കളിക്കുക. അവൻ ഒരു മികച്ച ബാറ്റ്സ്മാനാണ്, കൂടാതെ ലോകത്തിലെ മറ്റാരേക്കാളും നേട്ടങ്ങൾ കൈവരിച്ചിട്ടുണ്ട്. ഏത് പിച്ചിലാണെങ്കിലും അവന്റെ സ്വാഭാവിക ഒഴുക്കിനൊപ്പം കളിക്കേണ്ടതുണ്ട്. കോഹ്ലി ഫോം കണ്ടെത്താനാവാതെ പുറത്താകുമ്പോൾ മറ്റ് കളിക്കാർ സാധാരണയായി ആദ്യം കുഴപ്പത്തിലാകുമെന്ന് ഞാൻ കരുതുന്നു’.

Read Also:- ദിവസവും ജീരക വെള്ളം ശീലമാക്കുന്നതുകൊണ്ടുള്ള ഗുണങ്ങള്‍..!

‘അവൻ വീണ്ടും മികച്ച ഫോമിലേക്ക് എത്തും. ആർക്കെങ്കിലും എതിരെയുള്ള വിദ്വേഷങ്ങൾ മാറ്റിവെച്ച്, എല്ലാവരോടും ക്ഷമിച്ച് മുന്നോട്ട് നീങ്ങുക’ നിലവിൽ ലെജൻഡ്‌സ് ലീഗ് ക്രിക്കറ്റിൽ പങ്കെടുക്കുന്ന അക്തർ എഎൻഐയോട് പറഞ്ഞു.