Latest NewsKeralaNattuvarthaNewsIndiaInternational

ഭൂ​പ്ര​കൃ​തി​യോ കാ​ലാ​വ​സ്ഥ​യോ ഒ​ന്നു​മ​ല്ല സ്നേ​ഹ​മാ​ണ് ഒ​രു നാ​ടി​നെ സു​ന്ദ​ര​മാ​ക്കു​ന്ന​ത്: റഫീഖ് അഹമ്മദ്

ഈ ​നൂ​റ്റാ​ണ്ടി​ലും യു​ദ്ധ​ങ്ങ​ള്‍ ഉ​ണ്ടാ​വു​ന്നു എ​ന്ന​ത് മ​നു​ഷ്യ​വം​ശ​ത്തി​ന് നാ​ണ​ക്കേ​ടാ​ണ്

തിരുവനന്തപുരം: യുക്രൈനിൽ റഷ്യ നടത്തുന്ന അധിനിവേശത്തിൽ പ്രതിഷേധ കുറിപ്പുമായി കവി റഫീഖ് അഹമ്മദ് രംഗത്ത്. യു​ദ്ധം പോ​ലെ ഇ​ത്ര​മേ​ല്‍ അ​ശ്ലീ​ല​വും അ​പ​ഹാ​സ്യ​വു​മാ​യ മ​റ്റൊ​ന്ന് ഉ​ണ്ടോയെന്ന് റഫീഖ് അഹമ്മദ് ചോദിക്കുന്നു. എ​ല്ലാ ഭാ​ഷ​യി​ലേ​യും ഏ​റ്റ​വും വ​ലി​യ തെ​റി വാ​ക്കാ​കു​ന്നു ‘യു​ദ്ധം’മെന്ന് അദ്ദേഹം കുറിയ്ക്കുന്നു.

Also Read:ആക്രമണം കടുപ്പിച്ച് റഷ്യ: ഉക്രൈനിലെ താപ വൈദ്യുത നിലയത്തിനെതിരെ ആക്രമണം, ചരക്കു കപ്പലുകൾ തകർത്തു

‘ജ​ന​ങ്ങ​ള്‍​ക്കു​വേ​ണ്ടി ഇ​ന്നേ​വ​രെ ഒ​രു യു​ദ്ധ​വും ന​ട​ന്നി​ട്ടി​ല്ല. അ​ധി​കാ​രി​ക​ളു​ടെ ദു​രൂ​ഹ​ങ്ങ​ളും വ്യാ​കു​ല​മാം വി​ധം സ​ങ്കു​ചി​ത​ങ്ങ​ളു​മാ​യ ഏ​തൊ​ക്കെ​യോ കു​ടി​ല താ​ല്‍​പ​ര്യ​ങ്ങ​ളാ​ണ് നാ​ട്ടു​രാ​ജ്യ​ങ്ങ​ള്‍ ത​മ്മി​ലു​ള്ള യു​ദ്ധ​ങ്ങ​ള്‍ മു​ത​ല്‍ ലോ​ക​യു​ദ്ധ​ങ്ങ​ള്‍​ക്കു​വ​രെ​യു​ള്ള യ​ഥാ​ര്‍​ഥ കാ​ര​ണം. നി​ത്യ​നി​ദാ​ന​ങ്ങ​ള്‍​ക്കു വേ​ണ്ടി പെ​ടാ​പ്പാ​ടു​പ്പെ​ടു​ന്ന സാ​ധാ​ര​ണ മ​നു​ഷ്യ​ര്‍​ക്ക് ഇ​തി​ലൊ​രു കാ​ര്യ​വു​മി​ല്ല. എ​ന്നാ​ല്‍, അ​ധി​കാ​രി​ക​ള്‍ ത​മ്മി​ലു​ള്ള യു​ദ്ധ​ങ്ങ​ളി​ല്‍ ഇ​ര​യാ​ക്ക​പ്പെ​ടു​ന്ന​ത് ഏ​റ്റ​വും സാ​ധാ​ര​ണ​ക്കാ​രാ​ണ്. അ​റി​യാ​ത്ത എ​ന്തൊ​ക്കെ​യോ വ​ലി​യ കാ​ര്യ​ങ്ങ​ള്‍​ക്കു വേ​ണ്ടി​യാ​ണ് യു​ദ്ധ​ങ്ങ​ള്‍ ന​ട​ക്കു​ന്ന​ത്’, കവി തന്റെ കുറിപ്പിൽ പറയുന്നു.

കുറിപ്പിന്റെ പൂർണ്ണരൂപം:

യു​ദ്ധ​ങ്ങ​ള്‍ ആ​ര്‍​ക്കു വേ​ണ്ടി​യാ​ണ്? രാ​ജ്യാ​തി​ര്‍​ത്തി​ക​ളു​ടെ അ​ര്‍​ഥം എ​ന്താ​ണ്? ആ​രോ വ​ര​ച്ച ഒ​രു വ​ര​യു​ടെ അ​പ്പു​റ​ത്തും ഇ​പ്പു​റ​ത്തും ആ​യി​പ്പോ​യ മ​നു​ഷ്യ​രെ ശ​ത്രു​ക്ക​ളാ​ക്കു​ന്ന​ത് ആ​രാ​ണ്? യു​ദ്ധം പോ​ലെ ഇ​ത്ര​മേ​ല്‍ അ​ശ്ലീ​ല​വും അ​പ​ഹാ​സ്യ​വു​മാ​യ മ​റ്റൊ​ന്ന് ഉ​ണ്ടോ? എ​ല്ലാ ഭാ​ഷ​യി​ലേ​യും ഏ​റ്റ​വും വ​ലി​യ തെ​റി വാ​ക്കാ​കു​ന്നു ‘യു​ദ്ധം’.

ജ​ന​ങ്ങ​ള്‍​ക്കു​വേ​ണ്ടി ഇ​ന്നേ​വ​രെ ഒ​രു യു​ദ്ധ​വും ന​ട​ന്നി​ട്ടി​ല്ല. അ​ധി​കാ​രി​ക​ളു​ടെ ദു​രൂ​ഹ​ങ്ങ​ളും വ്യാ​കു​ല​മാം വി​ധം സ​ങ്കു​ചി​ത​ങ്ങ​ളു​മാ​യ ഏ​തൊ​ക്കെ​യോ കു​ടി​ല താ​ല്‍​പ​ര്യ​ങ്ങ​ളാ​ണ് നാ​ട്ടു​രാ​ജ്യ​ങ്ങ​ള്‍ ത​മ്മി​ലു​ള്ള യു​ദ്ധ​ങ്ങ​ള്‍ മു​ത​ല്‍ ലോ​ക​യു​ദ്ധ​ങ്ങ​ള്‍​ക്കു​വ​രെ​യു​ള്ള യഥാർത്ഥ കാ​ര​ണം. നി​ത്യ​നി​ദാ​ന​ങ്ങ​ള്‍​ക്കു വേ​ണ്ടി പെ​ടാ​പ്പാ​ടു​പ്പെ​ടു​ന്ന സാ​ധാ​ര​ണ മ​നു​ഷ്യ​ര്‍​ക്ക് ഇ​തി​ലൊ​രു കാ​ര്യ​വു​മി​ല്ല. എ​ന്നാ​ല്‍, അ​ധി​കാ​രി​ക​ള്‍ ത​മ്മി​ലു​ള്ള യു​ദ്ധ​ങ്ങ​ളി​ല്‍ ഇ​ര​യാ​ക്ക​പ്പെ​ടു​ന്ന​ത് ഏ​റ്റ​വും സാ​ധാ​ര​ണ​ക്കാ​രാ​ണ്. അ​റി​യാ​ത്ത എ​ന്തൊ​ക്കെ​യോ വ​ലി​യ കാ​ര്യ​ങ്ങ​ള്‍​ക്കു വേ​ണ്ടി​യാ​ണ് യു​ദ്ധ​ങ്ങ​ള്‍ ന​ട​ക്കു​ന്ന​ത്.

നി​ങ്ങ​ള്‍ ക​ണ്ട രാ​ജ്യ​ങ്ങ​ളി​ല്‍ ഏ​റ്റ​വും സു​ന്ദ​ര​മാ​യ രാ​ജ്യം ഏ​താ​യി​രു​ന്നു എ​ന്ന് യാ​ത്രി​ക​നാ​യ സ​ന്തോ​ഷ് കു​ള​ങ്ങ​ര​യോ​ടു​ള്ള ചോ​ദ്യ​ത്തി​ന് അ​ദ്ദേ​ഹം ന​ല്‍​കി​യ മ​റു​പ​ടി മ​നോ​ഹ​ര​മാ​യി​രു​ന്നു. സ​ന്തോ​ഷ് എ​ന്ന തി​ക​ച്ചും അ​പ​രി​ചി​ത​നും, അ​ന്യ​നു​മാ​യ ഒ​രാ​ളെ അ​സ​ര്‍​ബൈ​ജാ​നി​ലെ ഏ​തോ കു​ഗ്രാ​മ​ത്തി​ലെ ഒ​രു അ​മ്മ പ​രി​ച​രി​ച്ച വി​ധം അ​ദ്ദേ​ഹം വി​വ​രി​ച്ചി​ട്ടു​ണ്ട്. ഭൂ​പ്ര​കൃ​തി​യോ കാ​ലാ​വ​സ്ഥ​യോ സാ​മ്ബ​ത്തി​കാ​വ​സ്ഥ​യോ ഒ​ന്നു​മ​ല്ല സ്നേ​ഹ​മാ​ണ് ഒ​രു നാ​ടി​നെ സു​ന്ദ​ര​മാ​ക്കു​ന്ന​ത് എ​ന്ന് അ​ദ്ദേ​ഹം പ​റ​ഞ്ഞു.

ഈ ​ഭൂ​മി​യി​ല്‍ സ​ത്യ​ത്തി​ല്‍ രാ​ജ്യ​ങ്ങ​ളി​ല്ല, രാ​ഷ്ട്ര​ങ്ങ​ളി​ല്ല. മ​നു​ഷ്യ​രാ​യ ന​മ്മ​ള്‍ ഇ​വി​ടെ ജീ​വി​ക്കു​ന്നു. അ​തി​ര്‍​ത്തി​ക​ള്‍ രാ​ഷ്ട്രീ​യ മേ​ധാ​വി​ക​ളു​ടെ പ്ര​ശ്നം മാ​ത്ര​മാ​ണ്. ന​മ്മ​ള്‍ വ്യ​ത്യ​സ്ത രാ​ജ്യ​ങ്ങ​ളാ​യി​രി​ക്ക​ണം എ​ന്ന​തും തൊ​ട്ട​ടു​ത്തു​ള്ള​വ​ര്‍ ശ​ത്രു​ക്ക​ളാ​യി​രി​ക്ക​ണം എ​ന്ന​തും ശാ​സ്ത്രം സൈ​ബ​ര്‍ വി​പ്ല​വ​ത്തോ​ടെ അ​തി​രു​ക​ള്‍ മാ​യ്ച്ച ഈ ​ഭൂ​മി​യി​ല്‍ എ​ന്തൊ​ര​സം​ബ​ന്ധ​മാ​ണ്. മ​ണ്ട​ന്മാ​രാ​യ അ​ധി​കാ​രി​ക​ളാ​ണ് ഭൂ​മി​യെ ഭ​രി​ക്കു​ന്ന​ത്. ഗു​ണ്ട​ക​ള്‍ ന​ഗ​ര​ത്തെ​രു​വു​ക​ളെ ഭ​രി​ക്കു​ന്ന​തു​പോ​ലെ.

യു​ദ്ധം ഭ​ര​ണാ​ധി​കാ​രി​ക​ളു​ടെ മാ​ത്രം കാ​ര്യ​മാ​ണ്. ദേ​ശ​സ്‌​നേ​ഹം പോ​ലു​ള്ള കാ​ര്യ​ങ്ങ​ള്‍​പോ​ലും അ​വ​രു​ടെ പ്രോ​പ്പ​ര്‍​ട്ടി പ​രി​ര​ക്ഷി​ക്കു​ന്ന​തി​നാ​യി ഉ​ണ്ടാ​ക്കി​യി​ട്ടു​ള്ള സൂ​ത്ര​ങ്ങ​ളാ​ണ്. ലോ​കം ഒ​ന്നാ​ണ്. അ​തി​രു​ക​ള്‍ മി​ഥ്യ​യാ​ണ്. യു​ദ്ധം മ​നു​ഷ്യ​രു​ടെ ആ​വ​ശ്യ​മ​ല്ല. അ​ധി​കാ​രി​ക​ളാ​യ മൃ​ഗ​ങ്ങ​ളു​ടെ ഉ​ള്ളി​ലെ പി​ശാ​ചി​ന്റെ ആ​വ​ശ്യ​മാ​ണ്. ഈ ​നൂ​റ്റാ​ണ്ടി​ലും യു​ദ്ധ​ങ്ങ​ള്‍ ഉ​ണ്ടാ​വു​ന്നു എ​ന്ന​ത് മ​നു​ഷ്യ​വം​ശ​ത്തി​ന് നാ​ണ​ക്കേ​ടാ​ണ്. ന​മ്മ​ള്‍ വി​ന​യ​ത്തോ​ടെ മ​റ്റു ജീ​വ​ജാ​തി​ക​ളോ​ട് ശി​ഷ്യ​പ്പെ​ടേ​ണ്ടി​യി​രി​ക്കു​ന്നു.

shortlink

Related Articles

Post Your Comments

Related Articles


Back to top button