ബം​ഗാളിൽ രണ്ട് കൗൺസിലർമാർ വെടിയേറ്റ് മരിച്ചു: ഹർത്താൽ പ്രഖ്യാപിച്ചു

കൊ​ൽ​ക്ക​ത്ത: പ​ശ്ചി​മ ബം​ഗാ​ളിൽ രണ്ട് വ്യ​ത്യ​സ്ത സം​ഭ​വ​ങ്ങ​ളി​ലാ​യി കോ​ൺ​ഗ്ര​സി​ന്റെ​യും തൃ​ണ​മൂ​ൽ കോ​ൺ​ഗ്ര​സി​ന്റെ​യും കൗ​ൺ​സി​ല​ർ​മാ​ർ വെ​ടി​യേ​റ്റു മ​രി​ച്ചു. നോ​ർ​ത്ത് 24 പ​ർ​ഗാ​നാ​സ് ജി​ല്ല​യി​ലെ പാ​നി​ഹാ​ട്ടി മു​നി​സി​പ്പാ​ലി​റ്റി​യി​ലെ തൃ​ണ​മൂ​ൽ കൗ​ൺ​സി​ല​റാ​യ അ​നു​പം ദ​ത്ത​യും, പു​രു​ലി​യ ജി​ല്ല​യി​ലെ ജ​ൽ​ദ മു​നി​സി​പ്പാ​ലി​റ്റി​യി​ൽ നാ​ലു ത​വ​ണ കോ​ൺ​ഗ്ര​സ് കൗ​ൺ​സി​ല​റാ​യ, ത​പ​ൻ കാ​ണ്ടു​വു​മാ​ണ് അ​ജ്ഞാ​ത സം​ഘ​​ത്തി​ന്റെ വെ​ടി​യേ​റ്റു മ​രി​ച്ച​ത്. തപൻ കാണ്ടുവിന്റെ മരണത്തെത്തുടർന്ന് ബം​ഗാളിലെ പുരുലിയ, ജൽദ, രം​ഗനാദ്പൂ‍ർ മുൻ‍സിപ്പാലിറ്റികളിൽ കോൺ​ഗ്രസ് 12 മണിക്കൂർ ബന്ദിന് ആഹ്വാനം ചെയ്തു.

തൃണമൂൽ കൗൺസിലർ അ​നു​പം ദ​ത്ത വൈ​കി​ട്ട് അ​ഗ​ർ​പാ​ര​യി​ൽ നിന്ന്, തന്റെ വളർത്തുനായക്ക് മരുന്ന് വാങ്ങി മടങ്ങുന്നതിനിടെയിലാണ് മോ​ട്ടോ​ർ സൈ​ക്കി​ളി​ലെ​ത്തി​യ അ​ജ്ഞാ​ത​രാ​യ യു​വാ​ക്ക​ൾ വെ​ടി​യു​തി​ർ​ത്തത്. ഉ​ട​ൻ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചെ​ങ്കി​ലും മ​രി​ച്ചി​രു​ന്നു. മൂന്ന് തവണയാണ് ബൈക്കിലെത്തിയ നാല് അംഗ സംഘം അനുപം ദത്തയെക്ക് നേരം വെടിയുയർത്തത്.

അതേസമയം, കോൺഗ്രസ് കൗൺസിലർ ത​പ​ൻ കാ​ണ്ടു സ്വവ​സ​തി​ക്കു സ​മീ​പം വൈ​കി​ട്ട് ന​ട​ക്കാ​നി​റ​ങ്ങി​യ​പ്പോ​ൾ, മോ​ട്ടോ​ർ സൈ​ക്കി​ളി​ലെ​ത്തി​യ മൂ​ന്നു യു​വാ​ക്ക​ൾ വെ​ടി​യു​തി​ർ​ക്കു​ക​യാ​യി​രു​ന്നു. റാ​ഞ്ചി​യി​ലെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല. ജൽദ മുൻസിപ്പാലിറ്റിയിലെ മുൻ ചെയർപേഴ്സണും വൈസ് ചെയർപേഴ്സണുമായ തപൻ കാണ്ടുവിന്റെ തലയ്ക്കും കഴുത്തിനുമാണ് വെടിയേറ്റത്.