റിയാദ്: സൗദിയിലെ ഹൂതി ആക്രമണത്തെ അപലപിച്ച് യുഎഇ. സൗദിയുടെ വിവിധ ഭാഗങ്ങളിൽ നടന്ന ആക്രമണങ്ങളെയാണ് യുഎഇ അപലപിച്ചത്. ജിദ്ദയിൽ സൗദി അരാംകൊ കേന്ദ്രത്തിനു നേരെ കഴിഞ്ഞ ദിവസം ഹൂതികൾ മിസൈൽ ആക്രമണം നടത്തിയിരുന്നു. തുടർന്ന് അരാംകോയുടെ എണ്ണ ശേഖരണ ടാങ്കുകളിലൊന്നിൽ തീപിടിച്ചതായി സഖ്യ സേന അറിയിച്ചു. അപകടത്തിൽ ആർക്കും പരിക്കേറ്റിട്ടില്ലെന്നും അധികൃതർ വ്യക്തമാക്കി.
അതേസമയം, കഴിഞ്ഞ ദിവസവും സൗദിയിൽ ഹൂതി ആക്രമണം നടന്നിരുന്നു. ജിസാനിലെ അരാംകോ റിഫൈനറിയിലേയ്ക്കും വിവിധ നഗരികളിലേയ്ക്കുമാണ് ഹൂതികൾ മിസൈൽ ആക്രമണം നടത്തിയത്. ബാലിസ്റ്റിക് മിസൈലുകളും ഡ്രോണുകളും ഉപയോഗിച്ച് സിവിലിയന്മാരെയും സാമ്പത്തിക, സിവിലിയൻ സൗകര്യങ്ങളെയും ലക്ഷ്യമിട്ടായിരുന്നു ഹൂതികളുടെ ആക്രമണം. ഹൂതി ആക്രമണങ്ങളെ അറബ് സഖ്യസേന ശക്തമായി പ്രതിരോധിക്കുന്നുണ്ട്.
Post Your Comments