ThiruvananthapuramKeralaNattuvarthaLatest NewsNews

‘വാളയാര്‍ കഴിഞ്ഞാല്‍ രാഹുല്‍ സിപിഎം നേതാവ്, യെച്ചൂരി സോണിയയുടെ ഉപദേഷ്ടാവ്’: പരിഹാസവുമായി കെ സുരേന്ദ്രൻ

തിരുവനന്തപുരം: വാളയാറിന് അപ്പുറം സിപിഎമ്മിന്റെ നേതാവ് രാഹുല്‍ ഗാന്ധിയാണെന്നും സിപിഎം ജനറല്‍ സെക്രട്ടറി സീതാറാം യെച്ചൂരിയാണ് സോണിയാഗാന്ധിയുടെ ഉപദേഷ്ടാവെന്നും പരിഹാസവുമായി ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍.

അഖിലേന്ത്യാതലത്തില്‍ ഒരുമിച്ച് നില്‍ക്കുന്ന കോണ്‍ഗ്രസും സിപിഎമ്മും തമ്മില്‍ കേരളത്തില്‍ നടക്കുന്നത് ചക്കളത്തിപ്പോരാണെന്നും കേരളത്തില്‍ കോടിയേരിയും കെ സുധാകരനും ചേർന്ന് മലയാളികളെ കബളിപ്പിക്കുകയാണെന്നും സുരേന്ദ്രന്‍ കൂട്ടിച്ചേർത്തു.

സിൽവർ ലൈൻ: സിപിഎം കേന്ദ്ര നേതൃത്വം ഇടപെടണം, യെച്ചൂരിയ്ക്ക് കത്തയച്ച് സതീശന്‍

‘സിപിഐഎമ്മും കോണ്‍ഗ്രസും ഒരു മുന്നണിയായി തന്നെയാവും 2024ലെ ലോക്‌സഭാ തെരഞ്ഞെടുപ്പിലും മത്സരിക്കുകയെന്ന് ഉറപ്പാണ്. ഏത് അവിശുദ്ധ സഖ്യത്തിനെയും തോല്‍പ്പിക്കാന്‍ ബിജെപി പ്രാപ്തമാണ്. ജനങ്ങള്‍ നരേന്ദ്രമോദിക്ക് ഒപ്പമാണെന്നാണ് നാല് സംസ്ഥാനങ്ങളിലെ തെരഞ്ഞെടുപ്പ് ഫലം തെളിയിക്കുന്നത്. ജനങ്ങളുടെ കണ്ണില്‍ പൊടിയിടുന്നത് നിര്‍ത്തി, കേരളത്തിലും ഒരുമിച്ച് മത്സരിക്കാന്‍ ഇരു പാർട്ടികളും തയ്യാറാവണം,’ സുരേന്ദ്രൻ വ്യക്തമാക്കി.

 

shortlink

Related Articles

Post Your Comments

Related Articles


Back to top button