കുവൈത്ത് സിറ്റി: കഴിഞ്ഞ മൂന്ന് മാസത്തിനിടയിൽ കുവൈത്ത് വിട്ടത് ഇരുപത്തയ്യായിരത്തിലധികം പ്രവാസികൾ. കുവൈത്തിലെ തൊഴിൽ മേഖലയിൽ നിന്ന് ഏതാണ്ട് 27200 പ്രവാസികൾ തങ്ങളുടെ സ്വന്തം രാജ്യങ്ങളിലേക്ക് തിരികെ മടങ്ങിയതായി അധികൃതർ അറിയിച്ചു.
2021 ഡിസംബറിൽ 1479545 പ്രവാസി തൊഴിലാളികളാണ് കുവൈത്തിലെ തൊഴിൽ മേഖലയിൽ ഉണ്ടായിരുന്നത്. 2022 മാർച്ച് മാസത്തിൽ ഇത് 1452344 ആയി കുറഞ്ഞുവെന്നാണ് കണക്കുകൾ വ്യക്തമാക്കുന്നത്.
കുവൈത്തിലെ തൊഴിൽ മേഖലകളിൽ കൂടുതലായുള്ളത് ഈജിപ്തിൽ നിന്നുള്ള പ്രവാസികളാണ്. രണ്ടാം സ്ഥാനത്ത് ഇന്ത്യക്കാരും മൂന്നാം സ്ഥാനത്ത് ബംഗ്ലാദേശിൽ നിന്നുള്ളവരുമാണ്.
Post Your Comments