കോഴിക്കോട്: കരിപ്പൂരിൽ രണ്ട് യാത്രക്കാരിൽ നിന്നായി ഒരു കോടി രൂപയുടെ സ്വർണ്ണം പിടികൂടി. കാരിയർമാരടക്കം 6 പേരാണ് കസ്റ്റഡിയിലായത്. കസ്റ്റംസ് പരിശോധനയുടെ എല്ലാ സ്റ്റേജുകളും പൂർത്തിയാക്കി പുറത്തിറങ്ങിയവരിൽ നിന്നാണ് ഒരു കോടി രൂപയുടെ സ്വർണ്ണം പിടികൂടിയത്. സ്വർണ്ണം ഉരുളകളായി ശരീരത്തിന്റെ രഹസ്യഭാഗത്ത് ഒളിപ്പിച്ചനിലയിലാണ് കണ്ടെത്തിയത്.
സ്വർണ്ണം കടത്താനായി കൊണ്ടുവന്ന രണ്ട് കാറുകളും പിടികൂടിയിട്ടുണ്ട്. ജനുവരി മൂന്നിനും കരിപ്പൂർ വിമാനത്താവളത്തിൽ നിന്ന് 75 ലക്ഷം വിലവരുന്ന 1.39 കിലോ സ്വർണ്ണം കോഴിക്കോട് കസ്റ്റംസ് പ്രിവന്റീവ് വിഭാഗം പിടികൂടിയിരുന്നു. ഡോർ ലോക്കിനുള്ളിൽ ഒളിപ്പിച്ച നിലയിലായിരുന്നു അന്ന് സ്വർണ്ണക്കട്ടി കടത്താൻ ശ്രമിച്ചത്.
Post Your Comments