Latest NewsIndiaNews

ബി.ജെ.പിയിൽ ചേർന്നാൽ ദാവൂദ് ഒറ്റരാത്രി കൊണ്ട് വിശുദ്ധനാകും: ആഞ്ഞടിച്ച് ഉദ്ധവ് താക്കറെ

'ഞങ്ങളുടെ സിരകളിൽ കാവി ചോരയുണ്ട്, ഞങ്ങളെ വെല്ലുവിളിക്കാൻ ശ്രമിക്കരുത്': ബി.ജെ.പിക്കെതിരെ ഉദ്ധവ് താക്കറെ

മുംബെെ: ഗുണ്ടാസംഘത്തലവൻ ദാവൂദ് ഇബ്രാഹിം പോലും ബി.ജെ.പിയിൽ ചേർന്നാൽ ഒറ്റരാത്രി കൊണ്ട് വിശുദ്ധനാക്കപ്പെടുമെന്ന് മഹാരാഷ്ട്ര മുഖ്യമന്ത്രി ഉദ്ദവ് താക്കറെ. ശനിയാഴ്ച വൈകുന്നേരം മുംബൈയിൽ നടന്ന ഒരു മെഗാറാലിയിൽ സംസാരിക്കവെയാണ് താക്കറെ ബി.ജെ.പിയെ കടന്നാക്രമിച്ചത്.

‘ഇപ്പോൾ, അവർ ദാവൂദിനെയും അവന്റെ സഹായികളെയും പിന്തുടരുകയാണ്. എന്നാൽ, ദാവൂദ് ബി.ജെ.പിയിൽ ചേർന്നാൽ, അവൻ ഒറ്റരാത്രി കൊണ്ട് വിശുദ്ധനാകുമെന്ന് എനിക്ക് ഉറപ്പുണ്ട്’, താക്കറെ പറഞ്ഞു. ഈ ആഴ്ച ആദ്യം ദേശീയ അന്വേഷണ ഏജൻസി (എൻഐഎ) ദാവൂദ് ഇബ്രാഹിമിന്റെ കൂട്ടാളികളുടെ മുംബൈയിലെ 20 സ്ഥലങ്ങളിൽ ഒന്നിലധികം റെയ്ഡുകൾ നടത്തിയിരുന്നു. ഇതിന്റെ പശ്ചാത്തലത്തിൽ ആയിരുന്നു താക്കറെയുടെ വിമർശനം.

Also Read:ആണ്‍കുട്ടികളെയും പീഡിപ്പിച്ചു: ശശികുമാറിനെതിരെ കൂടുതല്‍ പരാതികള്‍

രാജ്യത്തെ വിലക്കയറ്റത്തിനെതിരെയും താക്കറെ കേന്ദ്ര സർക്കാരിനെ വിമർശിച്ചു. ‘മോദി ജി റേഷൻ നൽകിയിട്ടുണ്ട്, പക്ഷേ ഞങ്ങൾ പച്ചയായി കഴിക്കുമോ? സിലിണ്ടർ നിരക്ക് കുതിച്ചുയരുമ്പോൾ എങ്ങനെ പാചകം ചെയ്യും? വിലക്കയറ്റത്തെക്കുറിച്ച് ആരും സംസാരിക്കുന്നില്ല, ശ്രീലങ്കയിൽ എന്താണ് സംഭവിക്കുന്നതെന്ന് നോക്കൂ, അവിടെ നിന്ന് പാഠം പഠിക്കൂ. ഇന്ധനവില ഏഴ് പൈസയായി ഉയർത്തിയപ്പോൾ, അടൽ ബിഹാരി വാജ്‌പേയ് ഒരിക്കൽ കാളവണ്ടിയിൽ പാർലമെന്റിൽ പോയി. ഇപ്പോൾ ഇന്ധനവിലയുടെ സ്ഥിതി നോക്കൂ. വാജ്‌പേയിയുടെ കാലത്തെപ്പോലെയല്ല ഇപ്പോൾ ബി.ജെ.പി’, താക്കറെ ചൂണ്ടിക്കാട്ടി.

ബി.ജെ.പിയേക്കാൾ മികച്ചത് ശിവസേനയുടെ ഹിന്ദുത്വമാണെന്നും അദ്ദേഹം പറഞ്ഞു. ‘ചില വ്യാജ ഹിന്ദുത്വവാദികൾ നമ്മുടെ രാജ്യത്തെ വഴിതെറ്റിക്കുന്നു. ക്ഷേത്രങ്ങളിൽ മണി മുഴക്കുന്ന ഹിന്ദുക്കളെ ആവശ്യമില്ലെന്ന് ബാലാസാഹെബ് താക്കറെ പഠിപ്പിച്ചു. തീവ്രവാദികളെ തല്ലാൻ കഴിയുന്ന ഹിന്ദുക്കളെയാണ് ഞങ്ങൾക്ക് വേണ്ടത്. പറയൂ, ഹിന്ദുത്വത്തിനുവേണ്ടി നിങ്ങൾ എന്താണ് ചെയ്തത്? നിങ്ങൾ ബാബരിയെ താഴെയിറക്കിയിട്ടില്ല. അത് ചെയ്തത് ഞങ്ങളുടെ ശിവസൈനികരാണ്. ഞങ്ങളുടെ സിരകളിൽ കാവി ചോരയുണ്ട്. ഞങ്ങളെ വെല്ലുവിളിക്കാൻ ശ്രമിക്കരുത്’, താക്കറെ കൂട്ടിചേർത്തു.

shortlink

Related Articles

Post Your Comments

Related Articles


Back to top button