കറൻസി നോട്ട്: മൂല്യം 9.9 ശതമാനം വർദ്ധിച്ചു

രാജ്യത്ത് കറൻസി നോട്ടുകൾക്ക് പ്രിയമേറുന്നു. റിസർവ് ബാങ്ക് പുറത്തുവിട്ട വാർഷിക റിപ്പോർട്ട് പ്രകാരം, രാജ്യത്ത് ഡിജിറ്റൽ പണമിടപാടുകൾ കൂടുതലായി നടക്കുന്നുണ്ടെങ്കിലും കറൻസി നോട്ടുകളുടെ പ്രചാരം വർദ്ധിക്കുകയാണ്.

2021-22 ൽ പ്രചാരത്തിലുള്ള മൊത്തം കറൻസി നോട്ടുകളുടെ മൂല്യം 9.9 ശതമാനമാണ്. എണ്ണത്തിൽ അഞ്ച് ശതമാനമാണ് വർദ്ധനവ് രേഖപ്പെടുത്തിയത്. 2020-21ൽ കറൻസിയുടെ മൂല്യം 28.26 ലക്ഷം കോടി രൂപയായിരുന്നു. 2000 രൂപ നോട്ടിന്റെ അച്ചടി നിർത്തിയതിനാൽ 2000 രൂപയുടെ മൊത്തം മൂല്യവും എണ്ണവും കുറഞ്ഞിട്ടുണ്ട്.

Also Read: ഗാർഹിക വിസകളിലുള്ളവർക്ക് ആറ് മാസത്തിലധികം രാജ്യത്ത് നിന്ന് വിട്ട് നിൽക്കുന്നതിന് അനുമതിയില്ല: കുവൈത്ത്

മൊത്തം മൂല്യത്തിൽ ഏറ്റവും കൂടുതൽ വിഹിതമുള്ളത് 500 രൂപ നോട്ടിനാണ്. 34.9 ശതമാനം വിഹിതമാണ് 500 രൂപ നോട്ടിനുള്ളത്. എന്നാൽ, മൊത്തം കറൻസി മൂല്യത്തിൽ 87.1 ശതമാനവും 500, 2000 രൂപാ നോട്ടുകളാണ്.