ടെലികോം കമ്പനികളുടെ താരിഫ്: പ്രത്യേക പരിശോധന നടത്താനൊരുങ്ങി ട്രായ്

ടെലികോം രംഗത്ത് പുതിയ പരിശോധന നടത്താനൊരുങ്ങി ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്). രാജ്യത്തെ ടെലികോം കമ്പനികളുടെ താരിഫും മറ്റ് സേവന നിരക്കുകളും നിയമപ്രകാരമുള്ളവയാണോ എന്ന് വിലയിരുത്താൻ വേണ്ടിയാണ് ട്രായ് പുതിയ പരിശോധന സംഘടിപ്പിക്കുന്നത്.

പുതിയ പരിശോധനാ സംഘത്തിൽ 5 ഓഡിറ്റർമാരെ ഉടൻ തിരഞ്ഞെടുക്കും. ട്രായിൽ സമർപ്പിച്ചിരിക്കുന്ന രേഖകളിൽ നിന്ന് വ്യത്യസ്തമായ നിരക്കുകൾ ടെലികോം കമ്പനികൾ ഈടാക്കുന്നുണ്ടോയെന്നും രാജ്യത്തെ ഉപഭോക്തൃ താൽപര്യത്തിന് വിരുദ്ധമായ പ്രവർത്തനങ്ങൾ നടക്കുന്നുണ്ടോയെന്നും സമിതി പരിശോധിക്കും.

Also Read: തുളസിയില ഉപയോഗിച്ച് പ്രമേഹം നിയന്ത്രിക്കാം..

പോർട്ടിംഗ് വിഭാഗത്തിൽ പ്രത്യേക ഓഫറുകൾ നിയമവിരുദ്ധമായി നൽകുന്നത് തടയാൻ കഴിഞ്ഞ വർഷം സെപ്തംബറിൽ ട്രായ് പുതിയ മാർഗ നിർദ്ദേശങ്ങൾ പുറത്തിറക്കിയിരുന്നു. ഈ മാർഗ നിർദ്ദേശങ്ങൾ ടെലികോം കമ്പനികൾ പാലിക്കുന്നുണ്ടോയെന്നും സമിതി വിലയിരുത്തും.