ന്യൂഡൽഹി: പ്രവാചകൻ മുഹമ്മദ് നബിക്കെതിരായ ബിജെപി നേതാക്കളുടെ പരാമർശത്തിൽ പ്രതിഷേധവുമായി പാകിസ്ഥാൻ. മുസ്ലിങ്ങളുടെ അവകാശങ്ങള് ഇന്ത്യയില് ഹനിക്കപ്പെടുകയാണ്. ഇന്ത്യയിൽ മതസ്വാതന്ത്ര്യം നഷ്ടമായെന്നും പാക് പ്രധാനമന്ത്രി ഷഹബാസ് ഷെരീഫ് പറഞ്ഞു.
ലോകരാജ്യങ്ങള് ശക്തമായി പ്രതിഷേധിക്കണമെന്നും ഇന്ത്യയ്ക്ക് താക്കീത് നല്കണമെന്നും അദ്ദേഹം ആവശ്യപ്പെട്ടു. പരാമാർശത്തിൽ ഇന്ത്യൻ സർക്കാർ ക്ഷമാപണം നടത്തുകയും അപലപിക്കുകയും ചെയ്യണമെന്ന് ഖത്തറും കുവൈറ്റും നേരത്തെ ആവശ്യപ്പെട്ടിരുന്നു.
അതേസമയം, വ്യക്തികൾ നടത്തുന്ന പ്രകോപനപരമായ പ്രസ്താവന രാജ്യത്തിന്റെ നിലപാടായി കാണേണ്ട. മതസൗഹാർദ്ദം തകർക്കുന്ന വിധത്തിൽ പ്രസ്താവന നടത്തുന്നവർക്കെതിരെ തുടർന്നും രാജ്യം ശക്തമായ നടപടി സ്വീകരിക്കുമെന്ന് ഇന്ത്യ അറിയിച്ചു. നൂപുറിന്റെ പ്രസ്താവന ഇന്ത്യയുടെ നിലപാടിനെതിരാണ്. എല്ലാ വിശ്വാസങ്ങളെയും ആദരിക്കുന്ന സമീപനമാണ് ഇന്ത്യയുടേത് എന്ന് ഇന്ത്യ വ്യക്തമാക്കി.
Post Your Comments