മലപ്പുറം: അബുദാബിയിൽ മലപ്പുറം സ്വദേശിനിയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. കുറ്റിപ്പുറം രാങ്ങാട്ടൂർ സ്വദേശി അഫീലയാണ് മരിച്ചത്. സംഭവത്തിൽ ഗുരുതര ആരോപണവുമായി കുടുംബം രംഗത്തെത്തിയിട്ടുണ്ട്. ഭർത്താവിനൊപ്പമായിരുന്നു അഫീല അബുദാബിയിൽ ഉണ്ടായിരുന്നത്.
എന്നാൽ, യുവതിക്ക് ഭർത്താവിൽ നിന്ന് ക്രൂര മർദ്ദനമേറ്റതായാണ് ഇവർ പറയുന്നത്. മരണത്തിന് രണ്ട് ദിവസം മുമ്പ് ഭർത്താവ് തന്നെ ക്രൂരമായി മർദ്ദിച്ചതിന്റെ വീഡിയോ ദൃശ്യങ്ങൾ അഫീല നാട്ടിലേക്ക് അയച്ചു നൽകിയിരുന്നു. ഇതിനു പിന്നാലെയാണ് യുവതിയുടെ മരണവാർത്ത നാട്ടിലെത്തിയത്.
അഫീലയുടെ മൃതദേഹം നാട്ടിലെത്തിച്ച ശേഷം മഞ്ചേരി മെഡിക്കൽ കോളേജിൽ വീണ്ടും പോസ്റ്റ്‌മോർട്ടം ചെയ്യും. ഭർത്താവിന്റെ പീഡനമാണ് മരണകാരണമെന്ന് അഫീലയുടെ സഹോദരിയും പിതാവും ആവർത്തിച്ച് പറയുന്നു.
Post Your Comments