സംസ്ഥാനങ്ങൾക്ക് നൽകേണ്ട ജിഎസ്ടി നഷ്ടപരിഹാര കുടിശ്ശിക പ്രഖ്യാപിച്ച് ധനമന്ത്രാലയം

ജിഎസ്ടി നഷ്ടപരിഹാരമായി വിവിധ സംസ്ഥാനങ്ങൾക്ക് നൽകാനുള്ള കുടിശ്ശിക പ്രഖ്യാപിച്ച് ധനമന്ത്രാലയം. പാർലമെന്റിലാണ് കുടിശ്ശിക സംബന്ധിച്ച കാര്യങ്ങൾ അറിയിച്ചിട്ടുള്ളത്. റിപ്പോർട്ടുകൾ പ്രകാരം, സംസ്ഥാനങ്ങൾക്ക് 35,266 കോടി രൂപയാണ് കുടിശ്ശിക ഇനത്തിൽ നൽകേണ്ടത്. 2022 ജൂൺ വരെയുള്ള കണക്കുകളാണ് ധനമന്ത്രാലയം പുറത്തുവിട്ടിട്ടുള്ളത്.

പ്രധാനമായും 6 സംസ്ഥാനങ്ങൾക്കാണ് ഏറ്റവും കൂടുതൽ തുക കുടിശ്ശികയായി നൽകേണ്ടത്. മഹാരാഷ്ട്ര, കർണാടക, തമിഴ്നാട്, ഉത്തർപ്രദേശ്, ദില്ലി, ഗുജറാത്ത് എന്നീ സംസ്ഥാനങ്ങൾക്കാണ് കൂടുതൽ നഷ്ടപരിഹാരം നൽകേണ്ടത്. ഏകദേശം 17,668 കോടി രൂപയാണ് ഈ ആറ് സംസ്ഥാനങ്ങൾക്ക് മാത്രമായി കുടിശ്ശിക ഇനത്തിൽ നൽകാനുള്ളത്. അതേസമയം, 2022 മെയ് 31 വരെയുളള കാലയളവിൽ ജിഎസ്ടി നഷ്ടപരിഹാര കുടിശ്ശിക എല്ലാ സംസ്ഥാനങ്ങൾക്കും കേന്ദ്ര ഭരണ പ്രദേശങ്ങൾക്കും നൽകിയിട്ടുണ്ട്.

Also Read: അതിവേഗത്തിൽ ഡൗൺലോഡ് ചെയ്യാൻ ജിയോ തിരഞ്ഞെടുത്ത് ഉപയോക്താക്കൾ