ഉള്ളി വില പിടിച്ചുനിർത്താൻ കേന്ദ്രം, അടുത്ത മാസം മുതൽ കരുതൽ ശേഖരത്തിൽ നിന്നുള്ള ഉള്ളി വിപണിയിൽ എത്തിക്കും

ഉള്ളിയുടെ വിലക്കയറ്റം തടയാൻ പുതിയ രീതി അവലംബിക്കാൻ ഒരുങ്ങുകയാണ് കേന്ദ്രം. റിപ്പോർട്ടുകൾ പ്രകാരം, രാജ്യത്തെ ഉള്ളി വില നിയന്ത്രിക്കാൻ അടുത്ത മാസം മുതൽ കരുതൽ ശേഖരത്തിൽ നിന്നുള്ള ഉള്ളികൾ വിപണിയിൽ എത്തും. 2022- 23 വർഷത്തെ വിളവെടുപ്പിൽ 2.50 ലക്ഷം മെട്രിക് ടൺ ഉള്ളിയാണ് കേന്ദ്രം കരുതൽ ശേഖരമായി സൂക്ഷിച്ചിട്ടുള്ളത്.

സാധാരണയായി ഓഗസ്റ്റ് മുതൽ ഡിസംബർ വരെയാണ് ഉള്ളി വില അനിയന്ത്രിതമായി ഉയരാറുള്ളത്. ഈ സാഹചര്യത്തിൽ ഓഗസ്റ്റ് ആദ്യ വാരം തന്നെ കരുതൽ ശേഖരത്തിൽ നിന്നുള്ള ഉള്ളികൾ വിപണിയിൽ എത്തുന്നതോടെ, ഉള്ളി വില നിയന്ത്രിക്കാൻ കഴിയുമെന്നാണ് കേന്ദ്രത്തിന്റെ വിലയിരുത്തൽ.

Also Read: കുട്ടികളെ വാഹനങ്ങളിൽ തനിച്ചാക്കി പോകുന്നത് കുറ്റകരം: മുന്നറിയിപ്പ് നൽകി അബുദാബി പോലീസ്

കുതിച്ചുയരുന്ന ഉള്ളി വില എല്ലാ വർഷങ്ങളിലും സാധാരണക്കാർക്ക് തിരിച്ചടി ആകാറുണ്ട്. ഈ പ്രശ്നം പരിഹരിക്കാനാണ് നേരത്തെ തന്നെ പുതിയ നടപടികളുമായി കേന്ദ്രം മുന്നോട്ട് വന്നിട്ടുള്ളത്.