Latest NewsIndia

പാര്‍വതീപഞ്ചകം

ശ്രീഗണേശായ നമഃ ।

വിനോദമോദമോദിതാ ദയോദയോജ്ജ്വലാന്തരാ
നിശുംഭശുംഭദംഭദാരണേ സുദാരുണാഽരുണാ ।
അഖണ്ഡഗണ്ഡദണ്ഡമുണ്ഡമണ്ഡലീവിമണ്ഡിതാ
പ്രചണ്ഡചണ്ഡരശ്മിരശ്മിരാശിശോഭിതാ ശിവാ ॥ 1॥

അമന്ദനന്ദിനന്ദിനീ ധരാധരേന്ദ്രനന്ദിനീ
പ്രതീര്‍ണശീര്‍ണതാരിണീ സദാര്യകാര്യകാരിണീ ।
തദന്ധകാന്തകാന്തകപ്രിയേശകാന്തകാന്തകാ
മുരാരികാമചാരികാമമാരിധാരിണീ ശിവാ ॥ 2॥

അശേഷവേഷശൂന്യദേശഭര്‍തൃകേശശോഭിതാ
ഗണേശദേവതേശശേഷനിര്‍നിമേഷവീക്ഷിതാ ।
ജിതസ്വശിഞ്ജിതാഽലികുഞ്ജപുഞ്ജമഞ്ജുഗുഞ്ജിതാ
സമസ്തമസ്തകസ്ഥിതാ നിരസ്തകാമകസ്തവാ ॥ 3॥

സസംഭ്രമം ഭ്രമം ഭ്രമം ഭ്രമന്തി മൂഢമാനവാ
മുധാഽബുധാഃ സുധാം വിഹായ ധാവമാനമാനസാഃ ।
അധീനദീനഹീനവാരിഹീനമീനജീവനാ
ദദാതു ശമ്പ്രദാഽനിശം വശംവദാര്‍ഥമാശിഷം ॥ 4॥

വിലോലലോചനാഞ്ചിതോചിതൈശ്ചിതാ സദാ ഗുണൈര്‍-
അപാസ്യദാസ്യമേവമാസ്യഹാസ്യലാസ്യകാരിണീ ॥

നിരാശ്രയാഽഽശ്രയാശ്രയേശ്വരീ സദാ വരീയസീ
കരോതു ശം ശിവാഽനിശം ഹി ശംകരാംകശോഭിനീ ॥ 5॥

ഇതി പാര്‍വതീപഞ്ചകം സമാപ്തം ॥

shortlink

Related Articles

Post Your Comments


Back to top button