സമ്പത്തിനും ഐശ്വര്യത്തിനും വേണ്ടി വീടുകളില്‍ ലക്ഷ്മി ദേവിയെ ആരാധിക്കുന്ന ഭക്തര്‍ ഇക്കാര്യങ്ങള്‍ ശ്രദ്ധിക്കുക

വീടുകളില്‍ മഹാലക്ഷ്മിയുടെ ചിത്രം ആരാധിക്കുകയാണെങ്കില്‍, ലക്ഷ്മി ദേവിയുടെ ഏത് തരത്തിലുള്ള ചിത്രമാണ് വേണ്ടത് എന്നത് പ്രധാനമാണ്. നിങ്ങള്‍ക്ക് സന്തോഷവും സമാധാനവും സമൃദ്ധിയും വേണമെങ്കില്‍ മഹാ ലക്ഷ്മിയുടെ ചിത്രത്തില്‍ ആന, വിഷ്ണു, കുബേരന്‍ എന്നിവര്‍ ഉണ്ടാകുന്നത് ഉത്തമം. ലക്ഷ്മി ദേവി മൂങ്ങയോടൊപ്പമുള്ള ചിത്രം ഒരിക്കലും വീട്ടില്‍ സൂക്ഷിക്കരുത്.

1. ലക്ഷ്മി ദേവിയുടെ ചിത്രത്തില്‍ ആന ഉണ്ടാകുന്നത് വളരെ ശുഭമായി കണക്കാക്കപ്പെടുന്നു. മഹാലക്ഷ്മിയുടെ ഇരുഭാഗത്തും ആനകള്‍ ഒഴുകുന്ന വെള്ളത്തില്‍ നില്‍ക്കുകയും നാണയങ്ങള്‍ പെയ്യുകയും ചെയ്യുന്നുണ്ടെങ്കില്‍ അത്തരമൊരു ചിത്രം വീട്ടില്‍ വയ്ക്കുന്നതിലൂടെ നിങ്ങളുടെ ജീവിതത്തില്‍ ഒരിക്കലും പണത്തിന്റെ കുറവുണ്ടാകില്ല. കൂടാതെ ചിത്രത്തില്‍ ആനകള്‍ അവരുടെ തുമ്പിക്കൈയില്‍ കലശം വച്ചുകൊണ്ട് നില്‍ക്കുകയാണെങ്കില്‍ അത്തരം ചിത്രവും നല്ലതായി കണക്കാക്കപ്പെടുന്നു, ഇത് വീട്ടില്‍ സന്തോഷവും സമാധാനവും സമ്പത്തും നല്‍കുന്നു.

2. ലക്ഷ്മി ദേവി താമരപ്പൂവില്‍ ഇരിക്കുന്ന ചിത്രങ്ങളും വളരെ ശുഭസൂചകമായി കണക്കാക്കപ്പെടുന്നു. മാത്രമല്ല ഇത്തരമൊരു ചിത്രം ആരാധിക്കുന്നതിലൂടെ വീട്ടില്‍ പണത്തിനും സമ്പത്തിനും ഒരു കുറവും ഉണ്ടാവില്ല.

3. ലക്ഷ്മി ദേവിക്കൊപ്പം വിഷ്ണുവിനെ ആരാധിക്കുന്നത് അത്യാവശ്യവും ശുഭകരവുമാണ്. വിഷ്ണുവില്ലാതെ ലക്ഷ്മി ദേവി ആരുടെയും വീട്ടില്‍ വരില്ലയെന്നും അതുകൊണ്ടുതന്നെ വിഷ്ണുവിനെ ആരാധിക്കുന്നതിലൂടെ നിങ്ങള്‍ക്ക് ലക്ഷ്മി ദേവിയെ വീട്ടിലേക്ക് കൊണ്ടുവരാം എന്നാണ് വിശ്വാസം. അതിനാല്‍ ലക്ഷ്മി ദേവിയും വിഷ്ണുദേവനും ഒരുമിച്ചുള്ള ചിത്രം വീട്ടില്‍ വയ്ക്കുന്നതും ഉത്തമമാണ്.

4. രണ്ട് കൈകളില്‍ നിന്നും പണം ഒഴുകുന്ന ലക്ഷ്മി ദേവിയുടെ ചിത്രം സമ്പത്ത് കൈവരിക്കുന്നതിന് വളരെ ശുഭമായി കണക്കാക്കപ്പെടുന്നു. അതുപോലെതന്നെ ലക്ഷ്മി ദേവി പുഞ്ചിരിക്കുന്ന ചിത്രവും ഉത്തമമായി കണക്കാക്കപ്പെടുന്നു. അതുപോലെ ലക്ഷ്മി ദേവിയുടെ ചിത്രത്തില്‍ കുബേരന്റെ ചിത്രമുള്ളതും നല്ലതായി കണക്കാക്കപ്പെടുന്നു.