കെ.എസ്.ആർ.ടി.സി ബസ് സർവീസ് നിർത്തിവയ്ക്കില്ല: മന്ത്രി ആന്റണി രാജു

തിരുവനന്തപുരം: കെ.എസ്.ആർ.ടി.സി ബസ് സർവീസ് നിർത്തിവയ്ക്കില്ലെന്നും ​ പോലീസ് സഹായത്തോടെ പരമാവധി സർവീസുകൾ നടത്തുമെന്നും ഗതാ​ഗത മന്ത്രി ആന്റണി രാജു.

ആക്രമണം നടത്തുന്നവർക്കെതിരെ കർശന നടപടി ഉണ്ടാകുമെന്ന് ​മന്ത്രി അറിയിച്ചു. ആക്രമണം നടത്തിയവരിൽ നിന്ന് നഷ്ടപരിഹാരം ഈടാക്കുമെന്നും മന്ത്രി വ്യക്തമാക്കി.

കെ.എസ്.ആർ.ടി.സിയുടെ 30ലേറെ ബസുകൾക്ക് നേരെ കല്ലേറുണ്ടായെന്നാണ് പ്രാഥമിക കണക്ക്. പലയിടത്തും ബസ് ഡ്രൈവർമാർക്കും യാത്രകാർക്കും പരിക്കേറ്റിട്ടുണ്ട്. പല ഡിപ്പോകളിൽ നിന്നും പുറപ്പെടുന്ന ബസുകളുടെ എണ്ണം കുറച്ചിട്ടുണ്ട്.