ഭ​ർ​തൃ​വീട്ടിൽ യു​വ​തി തൂ​ങ്ങി​മ​രി​ച്ച​ സംഭവം : ഭർത്താവ് അറസ്റ്റിൽ

പ​ത്ത​നം​തി​ട്ട: ഭ​ർതൃവീട്ടിൽ യു​വ​തി തൂ​ങ്ങി​മ​രി​ച്ച​ സം​ഭ​വ​ത്തി​ൽ ഭ​ർ​ത്താ​വ് അ​റ​സ്റ്റിൽ. കോ​യി​പ്രം പു​ല്ലാ​ട് കു​റ​വ​ൻ​കു​ഴി വേ​ങ്ങ​നി​ൽ​ക്കു​ന്ന​കാ​ലാ​യി​ൽ സു​രേ​ന്ദ്ര‍െൻറ മ​ക​ൾ സൂ​ര്യ​യാണ്​ (25) മരിച്ചത്​. ഭ​ർ​ത്താ​വ് പേ​ക്കാ​വു​ങ്ക​ൽ വി​ഷ്ണു​വാ​ണ്‌ (29) പി​ടി​യി​ലാ​യ​ത്. ഇ​യാ​ൾ​ക്കെ​തി​രെ സ്ത്രീ​ധ​ന പീ​ഡ​ന​ക്കു​റ്റം ചു​മ​ത്തിയാണ് അറസ്റ്റ് ചെയ്തത്.

ഞാ​യ​റാ​ഴ്ച വൈ​കീ​ട്ട്​ മൂ​ന്നോ​ടെ​യാ​ണ്​ വീ​ട്ടി​ലെ കി​ട​പ്പു​മു​റി​യി​ൽ തൂ​ങ്ങി​മ​രി​ച്ച നി​ല​യി​ൽ സൂ​ര്യ​യെ കാ​ണ​പ്പെ​ട്ട​ത്. കു​മ്പ​നാ​ട്ടെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും മ​രിച്ചിരു​ന്നു. ഈ​ വ​ർ​ഷം മേ​യ് എ​ട്ടി​ന് കോ​യി​പ്രം പു​ര​യി​ട​ത്തി​ക്കാ​വ് ക്ഷേ​ത്ര​ത്തി​ൽ വെ​ച്ചാ​യി​രു​ന്നു ഇ​വ​രു​ടെ വി​വാ​ഹം.

Read Also : രാജ്യത്തെ അഞ്ചാമത്തെ വന്ദേ ഭാരത് എക്‌സ്പ്രസ് അടുത്ത മാസം 10 മുതല്‍ ദക്ഷിണേന്ത്യയില്‍

സം​ഭ​വ​ദി​വ​സം, അ​മി​ത​മാ​യി മ​ദ്യ​പി​ച്ച നി​ല​യി​ൽ കാ​ണ​പ്പെ​ട്ട വി​ഷ്ണു​വി​നെ കോ​ഴ​ഞ്ചേ​രി ജി​ല്ലാ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചി​രു​ന്നു. വി​വാ​ഹ​സ​മ​യം സൂ​ര്യ​യു​ടെ വീ​ട്ടു​കാ​ർ കൊ​ടു​ത്ത നാ​ലു പ​വ​ൻ സ്വ​ർ​ണം ഇ​യാ​ൾ പ​ണ​യം​വെ​ച്ച​ത്, തി​രി​ച്ചെ​ടു​ത്തു കൊ​ടു​ക്കാ​ൻ സൂ​ര്യ ആ​വ​ശ്യ​പ്പെ​ട്ട​പ്പോ​ൾ മ​ർദ്ദി​ച്ച​താ​യി ചോ​ദ്യം ചെ​യ്യ​ലി​ൽ തെ​ളി​ഞ്ഞു. വി​വാ​ഹം ക​ഴി​ഞ്ഞ​തു​ മു​ത​ൽ പ​ല​ കാ​ര​ണ​ങ്ങ​ൾ പ​റ​ഞ്ഞ് സൂ​ര്യ​യെ മ​ർ​ദ്ദിക്കാ​റു​ണ്ടെ​ന്ന് അ​ന്വേ​ഷ​ണ​ത്തി​ൽ തെളിഞ്ഞിട്ടുണ്ട്. സംഭവത്തിൽ വി​ശ​ദ അ​ന്വേ​ഷ​ണം തു​ട​രു​ക​യാ​ണ്.