അവതാർ ഫീച്ചറുമായി വാട്സ്ആപ്പ്, ഉടൻ തന്നെ ഉപയോക്താക്കളിലേക്ക് എത്തും

ഉപയോക്താക്കൾ കാത്തിരുന്ന ഫീച്ചറുമായി വാട്സ്ആപ്പ് എത്തുന്നു. റിപ്പോർട്ടുകൾ പ്രകാരം, അവതാർ ഫീച്ചറാണ് വാട്സ്ആപ്പിൽ ഉൾക്കൊള്ളിച്ചിട്ടുള്ളത്. മാസങ്ങൾക്കു മുൻപ് തന്നെ അവതാർ ഫീച്ചർ വികസിപ്പിക്കുന്നതുമായി ബന്ധപ്പെട്ട വിവരങ്ങൾ വാട്സ്ആപ്പ് പുറത്തുവിട്ടിരുന്നു. നിലവിൽ, ബീറ്റ ഉപയോക്താൾക്ക് ഈ ഫീച്ചർ ലഭിച്ചു തുടങ്ങി. അവതാർ എത്തുന്നതോടെ, പ്രൊഫൈൽ ഫോട്ടോ ഉപയോഗിക്കാനും വീഡിയോ കോളുകൾക്കിടയിൽ ഉൾപ്പെടുത്താനും സാധിക്കുന്നതാണ്.

വാബെറ്റ് ഇൻഫോ പുറത്തുവിട്ട റിപ്പോർട്ടുകൾ പ്രകാരം, ആൻഡ്രോയിഡ് 2.22.23.8, 2.22.23.9 എന്നിവയിലെ വാട്സ്ആപ്പ് ബീറ്റയിലാണ് ഈ ഫീച്ചർ ലഭ്യമായി തുടങ്ങിയത്. അവതാർ കോൺഫിഗർ ചെയ്യുന്നതോടെ, മറ്റുള്ളവർക്ക് ഷെയർ ചെയ്യാൻ കഴിയുന്ന തരത്തിലുള്ള പുതിയ സ്റ്റിക്കർ പാക്ക് വാട്സ്ആപ്പ് ക്രിയേറ്റ് ചെയ്യുന്നതാണ്. കൂടാതെ, ഈ ഫീച്ചർ പ്രൊഫൈൽ ഫോട്ടോയായി ഉപയോഗിക്കാനും കഴിയും.

Also Read: ഇന്ധനവിലയിൽ മാറ്റമില്ല, പ്രധാന നഗരങ്ങളിലെ നിരക്കുകൾ അറിയാം

വാട്സ്ആപ്പ് അപ്ഡേറ്റ് ചെയ്യുന്നവർക്ക് വരും ആഴ്ചകൾക്കുള്ളിൽ തന്നെ അവതാർ ഫീച്ചർ ലഭിച്ചു തുടങ്ങുമെന്നാണ് സൂചന. നിലവിൽ, പരീക്ഷണാടിസ്ഥാനത്തിലാണ് ഈ ഫീച്ചർ ബീറ്റ ഉപയോക്താക്കൾക്ക് ലഭ്യമാക്കിയിരിക്കുന്നത്.