ക​ലോ​ത്സ​വ പ​രി​ശീ​ല​ന​ത്തി​നു ​വ​ന്ന വിദ്യാർത്ഥിക​ളെ മർദ്ദിച്ചു : മൂന്നുപേർ അറസ്റ്റിൽ

അ​ടൂ​ർ: ക​ലോ​ത്സ​വ പ​രി​ശീ​ല​ന​ത്തി​നു ​വ​ന്ന കു​ട്ടി​ക​ളെ നാ​ട്ടു​കാ​ർ സം​ഘം ​ചേ​ർ​ന്ന് മ​ർദ്ദി​ച്ച സം​ഭ​വ​വത്തിൽ നാ​ട്ടു​കാ​രാ​യ മൂ​ന്നു​പേ​ർ അറസ്റ്റിൽ. ആം​ബു​ല​ൻ​സ് ഡ്രൈ​വ​ർ ഏ​ഴാം​മൈ​ൽ ത​ട്ടാ​ര​ഴി​ക​ത്ത് വീ​ട്ടി​ൽ ശ്രീ​രാ​ജ് (30), ഇ​യാ​ളു​ടെ പി​താ​വ് രാ​ധാ​കൃ​ഷ്ണ​ൻ (55), പ​ള്ളി​വാ​തു​ക്ക​ൽ പു​ത്ത​ൻ​വീ​ട്ടി​ൽ ജോ​ൺ​സ​ൻ (62) എ​ന്നി​വരെയാ​ണ് അ​റ​സ്റ്റ് ചെയ്​ത​ത്. ഏ​നാ​ത്ത് പൊ​ലീ​സ് ആണ് അ​റ​സ്റ്റ് ചെ​യ്തത്.

ക​ട​മ്പ​നാ​ട് കെ.​ആ​ർ.​കെ.​പി.​എം എ​ച്ച്.​എ​സ്.​എ​സി​ലെ ഏ​ഴാം​മൈ​ൽ സ്വ​ദേ​ശി​ക​ളാ​യ പ​ത്താം​ക്ലാ​സ് വി​ദ്യാ​ർ​ത്ഥി​ക​ളാ​യ മൂ​ന്നു​പേ​ർ​ക്കാ​ണ് മ​ർ​ദ്ദന​മേ​റ്റ​ത്. മ​ർ​ദ്ദ​ന ദൃ​ശ്യ​ങ്ങ​ൾ സാ​മൂ​ഹി​ക മാ​ധ്യ​മ​ങ്ങ​ളി​ൽ വൈ​റ​ലാ​യ​തോ​ടെ പൊ​ലീ​സ് ഇ​ട​പെ​ട്ട്​ മ​ർദ്ദി​ച്ച​വ​രെ പി​ടി​കൂ​ടു​ക​യാ​യി​രു​ന്നു. കൊ​ട്ടാ​ര​ക്ക​ര ഉ​പ​ജി​ല്ല സ്കൂ​ൾ ക​ലോ​ത്സ​വം ഈ ​സ്കൂ​ളി​ലാ​ണ് ന​ട​ക്കു​ന്ന​ത്. ഇ​തി​​ന്റെ പ​രി​ശീ​ല​ന​ത്തി​നു​ വ​ന്ന കു​ട്ടി​ക​ളെ​യാ​ണ് നാ​ട്ടു​കാ​ർ മ​ർ​ദ്ദി​ച്ച​ത്.

Read Also : കേരള ക്രിക്കറ്റ് അസോസിയേഷൻ ജോയിന്റ് സെക്രട്ടറി സ്ഥാനത്തേക്ക് ബിനീഷ് കോടിയേരി തിരഞ്ഞെടുക്കപ്പെട്ടു

സ്കൂ​ളി​ൽ വി​ദ്യാ​ർ​ത്ഥിക​ൾ ത​മ്മി​ൽ നേ​ര​ത്തേ സം​ഘ​ർ​ഷ​മു​ണ്ടാ​യി​രു​ന്നു. വെ​ള്ളം കു​ടി​ക്കാ​നാ​യി സ്കൂ​ളി​നു പു​റ​ത്തേ​ക്കി​റ​ങ്ങി​യ വി​ദ്യാ​ർ​ത്ഥിക​ൾ​ക്കി​ട​യി​ൽ ത​ർ​ക്ക​മു​ണ്ടാ​വു​ക​യും കൈ​യാ​ങ്ക​ളി​യി​ലെ​ത്തു​ക​യും ചെ​യ്​​തി​രു​ന്നു. ഇ​തി​നി​ടെ നാ​ട്ടു​കാ​ർ ഇ​ട​പെ​ട്ട് വി​ദ്യാ​ർ​ത്ഥി​ക​ളെ സം​ഘം ​ചേ​ർ​ന്ന് മ​ർദ്ദി​ച്ചെ​ന്നാ​ണ്​ പ​രാ​തി. അ​ഞ്ചി​ല​ധി​കം പേ​ർ ചേ​ർ​ന്നാ​ണ് മ​ർ​ദ്ദി​ച്ച​ത്. തുടർന്ന്, വി​ദ്യാ​ർ​ത്ഥിക​ൾ ഏ​നാ​ത്ത് പൊ​ലീ​സ് സ്റ്റേ​ഷ​നി​ൽ പ​രാ​തി ന​ൽ​കു​ക​യാ​യി​രു​ന്നു. വി​ദ്യാ​ർ​ത്ഥിക​ൾ ശാ​സ്താം​കോ​ട്ട താ​ലൂ​ക്ക് ആ​ശു​പ​ത്രി​യി​ൽ ചി​കി​ത്സ​ തേ​ടി​.