അഞ്ചല്‍: അഞ്ചലില്‍ വടിവാളുമായി കോണ്‍ഗ്രസ് നേതാവ് അറസ്റ്റിൽ. കോണ്‍ഗ്രസ് അഞ്ചല്‍ മണ്ഡലം വൈസ് പ്രസിഡന്റ് ഏറം അലിയാര്കുഞ്ഞ് റെജി ഭവനില്‍ റെജിമോന്‍ (38) ആണ് അറസ്റ്റിലായത്.
കഴിഞ്ഞ രാത്രി തടിക്കാട് അലിയാര്മുക്കില്‍ വച്ചായിരുന്നു സംഭവം. പിടിയിലായ റെജിയും ഒരു വിഭാഗം ഡിവൈഎഫ്ഐ പ്രവര്‍ത്തകരുമായി ഇന്നലെ വാക്കേറ്റം ഉണ്ടായിരുന്നു. ഇതിനെ തുടര്‍ന്ന്, സ്ഥലത്തെത്തിയ പൊലീസ് റെജിയുടെ കാറില്‍ നടത്തിയ പരിശോധനയിലാണ് വടിവാളും കമ്പ് അടക്കമുള്ളവയും പിടികൂടിയത്.
തുടർന്ന്, റെജിയെ കസ്റ്റഡിയില്‍ എടുത്ത അഞ്ചല്‍ പൊലീസ് ആയുധ നിരോധന നിയമം ചുമത്തി കേസെടുക്കുകയും അറസ്റ്റ് രേഖപ്പെടുത്തുകയുമായിരുന്നു. എന്നാൽ, ചിലര്‍ തന്‍റെ കാറില്‍ ആയുധം വയ്ക്കുകയായിരുന്നുവെന്നാണ് റെജി പറയുന്നത്.
Post Your Comments