സ്ഥിര നിക്ഷേപങ്ങൾക്ക് ഉയർന്ന പലിശ, നിരക്കുകൾ കുത്തനെ വർദ്ധിപ്പിച്ച് ഈ ബാങ്ക്

രാജ്യത്തെ പ്രമുഖ സ്വകാര്യ മേഖലാ ബാങ്കായ ആക്സിസ് ബാങ്ക് സ്ഥിര നിക്ഷേപങ്ങളുടെ പലിശ നിരക്ക് കുത്തനെ വർദ്ധിപ്പിച്ചു. രണ്ട് കോടി രൂപയിൽ താഴെയുള്ള സ്ഥിര നിക്ഷേപങ്ങളുടെ പലിശ നിരക്കാണ് ഉയർത്തിയത്. പുതുക്കിയ നിരക്കുകൾ 2023 ജനുവരി 10 മുതൽ പ്രാബല്യത്തിലായി.

7 ദിവസം മുതൽ 45 ദിവസം വരെ കാലാവധിയുള്ള നിക്ഷേപങ്ങൾക്ക് 3.50 ശതമാനം പലിശയാണ് വാഗ്ദാനം ചെയ്യുന്നത്. 46 ദിവസം മുതൽ 60 ദിവസം വരെ കാലാവധിയുടെ നിക്ഷേപങ്ങൾക്ക് 4 ശതമാനവും, 61 ദിവസം മുതൽ 3 മാസം വരെ കാലാവധിയുള്ള നിക്ഷേപങ്ങൾക്ക് 4.50 ശതമാനം പലിശയുമാണ് ലഭിക്കുക. 3 മാസം മുതൽ 6 മാസം വരെ കാലാവധി നിക്ഷേപങ്ങൾക്ക് 4.75 ശതമാനം പലിശ ലഭിക്കുന്നതാണ്. 6 മാസം മുതൽ 9 മാസം വരെയുള്ള നിക്ഷേപങ്ങളുടെ പലിശ നിരക്ക് 5.75 ശതമാനമാണ്.

Also Read: കോ​ഴി​ക്കോ​ട് തീ​വ്ര​വ്യാ​പ​ന ശേ​ഷി​യു​ള്ള പ​ക്ഷി​പ്പ​നി സ്ഥി​രീ​ക​രി​ച്ചു : 1800 കോ​ഴി​ക​ള്‍ ച​ത്തു

9 മാസം മുതൽ 12 മാസത്തിനുള്ളിൽ കാലാവധി പൂർത്തിയാക്കുന്ന നിക്ഷേപങ്ങൾക്ക് 6 ശതമാനം നിരക്കിലാണ് പലിശ ലഭിക്കുക. 13 മാസം മുതൽ 2 വർഷം വരെ കാലാവധിയുളള നിക്ഷേപങ്ങൾക്ക് 6.75 ശതമാനവും, 2 വർഷം മുതൽ 30 മാസം വരെ കാലാവധിയുള്ള നിക്ഷേപങ്ങൾക്ക് പരമാവധി 7.26 ശതമാനവും പലിശ ലഭിക്കും. 30 മാസം മുതൽ 10 വർഷം വരെ കാലാവധിയുള്ള സ്ഥിര നിക്ഷേപങ്ങളുടെ പലിശ നിരക്ക് 7 ശതമാനമായാണ് ഉയർത്തിയത്.