വാഹന പ്രേമികൾ ഏറെ നാളായി കാത്തിരുന്ന ഇന്നോവ ക്രിസ്റ്റയുടെ ഏറ്റവും പുതിയ മോഡലിന്റെ ബുക്കിംഗ് ആരംഭിച്ചു. മെച്ചപ്പെട്ട സുരക്ഷയും, കിടിലൻ ഡിസൈനുമായാണ് പുതിയ മോഡൽ എത്തിയിരിക്കുന്നത്. കുടുംബത്തോടൊപ്പം ഉള്ള യാത്രകൾ, കോർപ്പറേറ്റ്- വ്യവസായ ആവശ്യങ്ങൾ തുടങ്ങിയ നിറവേറ്റുന്ന തരത്തിലുള്ള രൂപകൽപ്പനയാണ് പുതിയ മോഡലിൽ ഉൾക്കൊള്ളിച്ചിട്ടുള്ളത്. 50,000 രൂപയ്ക്ക് ഈ മോഡൽ ബുക്ക് ചെയ്യാൻ സാധിക്കുമെന്ന് അധികൃതർ അറിയിച്ചു.
മെച്ചപ്പെട്ട സുരക്ഷ ഉറപ്പുവരുത്തുന്നതിനായി 7 എസ്ആർഎസ് എയർബാഗുകൾ, ഫ്രണ്ട് ആൻഡ് റിയർ പാക്കിംഗ് സെൻസറുകൾ, വെഹിക്കിൾ സ്റ്റെബിലിറ്റി കൺട്രോൾ, ഹിൽ- സ്റ്റാർട്ട് അസിസ്റ്റ് കൺട്രോൾ, ആന്റി- ലോക്ക് ബ്രേക്കിംഗ് സിസ്റ്റം, ഇലക്ട്രോണിക് ബ്രേക്ക് ഫോഴ്സ് ഡിസ്ട്രിബ്യൂഷൻ, ബ്രേക്ക് അസിസ്റ്റന്റ്, 3- പോയിന്റ് സീറ്റ് ബെൽറ്റ്, ഹെഡ് റെസ്റ്റ് തുടങ്ങിയ ഫീച്ചറുകൾ ഇവയിൽ ഉൾക്കൊള്ളിച്ചിട്ടുണ്ട്.
Also Read: കേന്ദ്ര ബജറ്റിനെ സ്വാഗതം ചെയ്ത് എംഎ യൂസഫ് അലി: ഇന്ത്യ കൂടുതൽ ഉയർച്ചയിലേക്കെന്ന് പ്രതികരണം
Post Your Comments