പള്ളിക്കത്തോട്: അയല്‍വാസിയായ വീട്ടമ്മയോടു ലൈംഗിക അതിക്രമം നടത്തുകയും നിരന്തരം ശല്യം ചെയ്യുകയും ചെയ്ത ആൾ അറസ്റ്റിൽ. വാഴൂര്‍ മൈലാടുപാറ ഭാഗത്ത് ചോവിട്ടുകുന്നേല്‍ വര്‍ഗീസി(60)നെയാണ് അറസ്റ്റ് ചെയ്തത്. പള്ളിക്കത്തോട് പൊലീസ് ആണ് ഇയാളെ അറസ്റ്റ് ചെയ്തത്.
Read Also : ഫെബ്രുവരിയിൽ രാജ്യത്തെ ഇന്ധന ഉപഭോഗത്തിൽ വൻ കുതിച്ചുചാട്ടം, ഏറ്റവും പുതിയ കണക്കുകൾ ഇങ്ങനെ
കഴിഞ്ഞ കുറെനാളുകളായി ഇയാള്‍ വീട്ടമ്മയോടു അശ്ലീല പരാമര്‍ശങ്ങള്‍ നടത്തുകയും ശല്യപ്പെടുത്തുകയും ചെയ്തിരുന്നു. കഴിഞ്ഞദിവസം രാത്രി ഇയാള്‍ വീട്ടമ്മയുടെ വീടിന്റെ മുന്‍വശത്ത് വരികയും കൈയ്യില്‍ കരുതിയിരുന്ന കത്തികാണിച്ച് വീട്ടമ്മയെ ഭീഷണിപ്പെടുത്തുകയുമായിരുന്നു.
തുടർന്ന്, വീട്ടമ്മയുടെ പരാതിയിൽ കേസ് രജിസ്റ്റര്‍ ചെയ്ത് ഇയാളെ അറസ്റ്റ് ചെയ്യുകയായിരുന്നു. പ്രതിയെ കോടതിയിൽ ഹാജരാക്കി.
Post Your Comments