കാസര്‍ഗോഡ്: പൊലീസ് ഉദ്യോഗസ്ഥന്‍ സ്റ്റേഷനില്‍ കുഴഞ്ഞുവീണുമരിച്ചു. ആദൂര്‍ പൊലീസ് സ്റ്റേഷനിലെ സീനിയര്‍ സിവില്‍ പൊലീസ് ഓഫീസര്‍ ബേഡകം പെര്‍ളടുക്കത്തെ കെ.അശോകന്‍(47) ആണ് മരിച്ചത്.
ഇന്നലെ രാവിലെയാണ് സംഭവം. ടോയ്‌ലറ്റില്‍ പോയ അശോകന്‍ തിരിച്ചു വരാത്തതിനെ തുടര്‍ന്ന്, മറ്റു പൊലീസുകാര്‍ അന്വേഷിക്കുന്നതിനിടെയാണ് കുഴഞ്ഞുവീണ നിലയില്‍ കണ്ടത്.
Read Also : വനിതാ തടവുകാരുടെ പുനരധിവാസം ലക്ഷ്യമാക്കി ഫ്രീഡം കെയർ പദ്ധതി: എറണാകുളം ജില്ലാ ജയിലിൽ തുടക്കമായി
ഉടന്‍ തന്നെ കാസര്‍ഗോട്ടെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ഒന്നര വര്‍ഷമായി ആദൂര്‍ സ്റ്റേഷനില്‍ ജോലി ചെയ്ത് വരികയായിരുന്നു. കാസര്‍ഗോഡ് റെയില്‍വേ പൊലീസ്, കാസര്‍ഗോഡ് ടൗണ്‍ പൊലീസ് സ്റ്റേഷന്‍, ബേഡകം സ്റ്റേഷന്‍ എന്നിവിടങ്ങളിലും നേരത്തെ സേവനം ചെയ്തിരുന്നു.
മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് കൈമാറി. പരേതനായ രാമ മണിയാണിയുടെയും കല്യാണിയുടെയും മകനാണ്. ഭാര്യ: സൗമ്യ. മക്കള്‍: തേജാലക്ഷ്മി (വിദ്യാര്‍ത്ഥിനി, ചട്ടഞ്ചാല്‍ എച്ച്എസ്എസ്), ഗൗതംദേവ് (വിദ്യാര്‍ഥി, തെക്കില്‍പറമ്പ ജിയുപിഎസ്). സഹോദരങ്ങള്‍: രാമകൃഷ്ണന്‍ (റിട്ട.രജിസ്ട്രാര്‍ ഓഫീസ് ജീവനക്കാരന്‍), ഗോപാലകൃഷ്ണന്‍ (ഡിസിആര്‍ബി എഎസ്‌ഐ), യശോദ, ശാരദ, സാവിത്രി, രമണി, ശ്യാമള.
Post Your Comments