രാജമഹേന്ദ്രവാരം: തെലുങ്ക് സിനിമ താരങ്ങളായ പ്രഭാസിന്റെയും പവൻ കല്യാണിന്റെയും ആരാധകര്‍ തമ്മിലുള്ള തര്‍ക്കം കലാശിച്ചത് കൊലപാതകത്തിൽ. ആന്ധ്രാപ്രദേശിലാണ് ഈ ദാരുണ സംഭവം. പ്രഭാസ് ആരാധകനായ കിഷോറാണ് കൊല്ലപ്പെട്ടത്. പവൻ കല്യാൺ ആരാധകനായ പ്രതിയെ പോലീസ് അറസ്റ്റ് ചെയ്തു.
എല്ലൂർ സ്വദേശികളായ ഹരികുമാറും കിഷോര്‍ കുമാറും രാജാമഹേന്ദ്രവാരത്തേയ്‍ക്ക് ജോലിക്കായി എത്തിയതായിരുന്നു. എല്ലൂരുവിലെ പ്രഭാസ് ഫാൻസ് അസോസിയേഷൻ സെക്രട്ടറിയാണ് ഹരികുമാര്‍. കിഷോര്‍ ആകട്ടെ പവൻ കല്യാണിന്റെ കടുത്ത ആരാധകനും.
ഹരികുമാര്‍ പ്രഭാസിന്റെ ഫോട്ടോ വാട്‍സ് ആപ് സ്റ്റാറ്റസായി ഇട്ടതാണ് പ്രശ്‍നങ്ങള്‍ക്ക് തുടക്കം. താൻ ഒരു പവൻ കല്യാണ്‍ ആരാധകനാണെന്നും അതിനാല്‍ അദ്ദേഹത്തിന്റെ വീഡിയോ സ്റ്റാറ്റസ് ആക്കണമെന്നും കിഷോര്‍ ഹരികുമാറിനോട് പറഞ്ഞു. എന്നാല്‍ ഹരി കുമാര്‍ ഇത് അംഗീകരിക്കാൻ തയ്യാറായില്ല. താൻ പ്രഭാസിന്റെ ഫാൻ ആണെന്നും അതിനാല്‍ അദ്ദേഹത്തിന്റെ വീഡിയോ കിഷോര്‍ സ്റ്റാറ്റസ് ആക്കണമെന്നും ഹരി കുമാര്‍ പറഞ്ഞു.
ഇതിനെ ചൊല്ലിയാണ് കിഷോറും ഹരി കുമാറും തര്‍ക്കം തുടങ്ങിത്. നടൻ പ്രഭാസിന്റെ ഫോട്ടോ മാറ്റുകയും പവൻ കല്യാണിനെ സ്റ്റാറ്റസാക്കണമെന്നും ആവശ്യപ്പെട്ടെങ്കിലും ഹരി കുമാര്‍ തയ്യാറായില്ല. ഇതോടെ കിഷോര്‍ പ്രഭാസിനെയും താരത്തിന്റെ ആരാധകനായ ഹരി കുമാറെയും ചീത്തവിളിച്ചു.
തന്റെ ഇഷ്‍ട താരത്തെ അപമാനിച്ചതിനാല്‍ കിഷോറിനെ ഹരി കുമാര്‍ ആക്രമിച്ചു. കിഷോറും തിരിച്ചടിച്ചു. ഇരുവരും വടിയും സിമന്റു കട്ടയും എടുത്ത് പരസ്‍പരം മര്‍ദ്ദിച്ചു. പരസ്‍പരമുള്ള ആക്രമണത്തില്‍ കിഷോറിന് ജീവൻ നഷ്‍ടമാകുകയും ഹരികുമാറിന് പരിക്കേൽക്കുകയും ചെയ്തു എന്നാണ് റിപ്പോര്‍ട്ട്. പൊലീസെത്തി ഹരി കുമാറിനെ അറസ്റ്റ് ചെയ്തു .
Post Your Comments