പപ്പായ ചർമ്മത്തിന് ഏറെ ഗുണം ചെയ്യുന്ന പഴമാണ്. ഇത് വരണ്ട ചർമ്മത്തെ ഉള്ളിൽ നിന്ന് ഈർപ്പമുള്ളതാക്കുക മാത്രമല്ല, സെല്ലുലാർ നാശത്തിൽ നിന്ന് സംരക്ഷിക്കുകയും ചെയ്യുന്നു. വിറ്റാമിൻ ഇ, സി എന്നിവ അടങ്ങിയിട്ടുണ്ട് പഴമാണ് പപ്പായ. ഇത് മുഖത്തെ കൂടുതൽ തിളക്കമുള്ളതാക്കാൻ സഹായിക്കുന്നു.
പപ്പായയിലെ പപ്പൈൻ എൻസൈമുകൾ വീക്കം കുറയ്ക്കും. പ്രോട്ടീനിൽ ലയിക്കുന്ന പപ്പെയ്ൻ പല എക്സ്ഫോളിയേറ്റിംഗ് ഉൽപ്പന്നങ്ങളിലും കാണാം. ഈ ഉൽപ്പന്നങ്ങൾ മുഖക്കുരു കുറയ്ക്കാൻ സഹായിക്കുന്നു, സുഷിരങ്ങൾ അടഞ്ഞേക്കാവുന്ന ചത്ത ചർമ്മകോശങ്ങളെ നീക്കം ചെയ്യുന്നു. ചർമ്മത്തിൽ അടിഞ്ഞുകൂടുകയും ചുളിവുകൾ ഉണ്ടാക്കുകയും ചെയ്യുന്ന കേടായ കെരാറ്റിൻ നീക്കം ചെയ്യാനും പപ്പൈന് കഴിയും.
പപ്പായ ചർമ്മത്തെ ഉള്ളിൽ നിന്ന് ഈർപ്പമുള്ളതാക്കുകയും അതിന്റെ ഘടന ശരിയാക്കുകയും ചെയ്യുന്നു. ഇതുകൂടാതെ പിഗ്മെന്റേഷൻ കുറയ്ക്കാനും ഇത് സഹായകമാണ്. മുഖത്തിന് പപ്പായ ഉപയോഗിക്കുന്നത് പല വിധത്തിലാണ് ഗുണം ചെയ്യുന്നത്. രണ്ട് ടീസ്പൂൺ പപ്പായ പേസ്റ്റിലേക്ക് അൽപം റോസ് വാട്ടറും ഒരു ടീസ്പൂൺ കറ്റാർവാഴ ജെല്ലും ഇതിലേക്ക് ചേർക്കുക. ഇത് നന്നായി മിക്സ് ചെയ്ത ശേഷം ഈ പാക്ക് മുഖത്തും കഴുത്തിലുമായി ഇടുക. 15 മിനുട്ടിന് ശേഷം കഴുകി കളയുക. സുന്ദരവും തിളക്കമുള്ളതുമായ ചർമ്മം ലഭിക്കാൻ ഈ പാക്ക് സഹായിക്കും. ഇതോടൊപ്പം, ഇത് പാടുകളും ചുളിവുകളും കുറയ്ക്കും.
അരക്കപ്പ് പപ്പായ പേസ്റ്റ്, രണ്ട് ടീസ്പൂൺ പാൽ എന്നിവ നല്ല പോലെ മിക്സ് ചെയ്ത ശേഷം മുഖത്തും കഴുത്തിലുമായി ഇടുക. 15 മിനുട്ട് കഴിഞ്ഞ് തണുത്ത വെള്ളത്തിൽ മുഖം കഴുകുക. ആഴ്ചയിൽ രണ്ടോ മൂന്നോ തവണ ഈ പാക്ക് ഇടാം.
Post Your Comments