![](/wp-content/uploads/2023/05/money.jpg)
പാറശാല: രേഖകളില്ലാതെ കടത്തിക്കൊണ്ടുവന്ന 20 ലക്ഷം രൂപയുമായി യുവാവ് അറസ്റ്റിൽ. തമിഴ്നാട് രാമനാഥപുരം ജില്ലയില് മണലൂര് മേല കണ്ണിശേരിവീട്ടില് രാജ പ്രവീണ് കുമാറി(24)നെയാണ് അറസ്റ്റ് ചെയ്തത്.
Read Also : ഓടുന്ന ബസിൽ യുവതിയെ കുത്തിപ്പരിക്കേൽപ്പിച്ച് യുവാവ് സ്വയം കഴുത്തറുത്തു: യുവാവിന്റെ നില ഗുരുതരം
ഇന്നലെ രാവിലെ എട്ടിന് കൊറ്റാമത്ത് അമരവിള എക്സൈസ് റേഞ്ച് നടത്തിയ വാഹന പരിശോധനയിലാണ് ഇയാൾ അറസ്റ്റിലായത്. രേഖകളില്ലാതെ ചെന്നൈയില് നിന്നും തിരുവനന്തപുരത്തേക്ക് വരികയായിരുന്ന വോള്വോ ബസില് യാത്ര ചെയ്യുകയായിരുന്ന യുവാവിന്റെ ബാഗില് നിന്നുമാണ് പണം പിടികൂടിയത്. തിരുവനന്തപുരത്ത് സ്വകാര്യ വ്യക്തിക്ക് വേണ്ടി കൊണ്ടുവന്നതാണ് ഈ പണം എന്ന് യുവാവ് എക്സൈസിനോട് പറഞ്ഞു.
എക്സൈസ് ഇന്സ്പെക്ടര് വിനോജ്, അസിസ്റ്റന്റ് എക്സൈസ് ഇന്സ്പെക്ടര് ബിനോയ്, മധു, വിജയകുമാര്, സിഇഓമാരായ നിശാന്ത്, രാജേഷ്, അരുണ്തുടങ്ങിയ സംഘമാണ് പണം പിടികൂടിയത്. യുവാവിനെ കോടതിയിൽ ഹാജരാക്കും.
Post Your Comments