24 കി​ലോ ക​ഞ്ചാ​വു​മാ​യി കർണാകട സ്വദേശിയടക്കം ര​ണ്ടുപേ​ർ അറസ്റ്റിൽ

കാ​ക്ക​നാ​ട്: തൃ​ക്കാ​ക്ക​ര​യി​ൽ 24 കി​ലോ ക​ഞ്ചാ​വു​മാ​യി ര​ണ്ടുപേ​ർ പൊലീസ് പി​ടി​യി​ൽ. കാ​സ​ർ​​ഗോഡ് അ​ലി​മ​റു​കും​മൂ​ല വീ​ട്ടി​ൽ അ​ജ്‌​മ​ൽ(20), ക​ർ​ണാ​ട​ക മം​ഗ​ളൂ​രു തൗ​ഫീ​ഖ് മ​ൻ​സി​ലി​ൽ ഇ​ർ​ഷാ​ദ് (28) എ​ന്നി​വ​ർ​ ആണ് അ​റ​സ്റ്റി​ലാ​യ​ത്.

Read Also : ബിവറേജ് ഔട്ട്‌ലെറ്റുകളിൽ നിന്നും മദ്യം വാങ്ങി ചില്ലറ വിൽപ്പന: ‘ജവാൻ’ ഷജീർ പിടിയിൽ

കാ​ക്ക​നാ​ടി​ന് സ​മീ​പം പ​ട​മു​ക​ളി​ൽ​ നി​ന്നാ​ണ് ഇവർ പിടിയിലായത്. മ​യ​ക്കു​മ​രു​ന്ന് സം​ബ​ന്ധി​ച്ച വി​വ​ര​ങ്ങ​ൾ പൊ​ലീ​സി​നെ അ​റി​യി​ക്കാ​നു​ള്ള കൊ​ച്ചി സി​റ്റി പൊ​ലീ​സി​ന്‍റെ ‘യോ​ദ്ധാ​വ്’ആ​പ്പി​ൽ​ നി​ന്ന് ല​ഭി​ച്ച വി​വ​ര​ത്തെ തു​ട​ർ​ന്ന് ന​ട​ത്തി​യ പ​രി​ശോ​ധ​ന​യി​ലാ​ണ് ഇവർ അ​റ​സ്റ്റിലായത്. പ​ട​മു​ക​ൾ സൗ​ഹാ​ർ​ദ​ന​ഗ​റി​ൽ വാ​ട​ക​ക്ക് താ​മ​സി​ക്കു​ക​യാ​യി​രു​ന്നു ഇ​വ​ർ.

Read Also : പിണറായി സർക്കാർ നാട് എങ്ങനെ വിറ്റ് തുലച്ച് പണമുണ്ടാക്കാമെന്ന ഗവേഷണം നടത്തുന്നവർ: കെ സുരേന്ദ്രൻ

അ​സ​മി​ലെ നി​ന്ന്​ ക​ഞ്ചാ​വ്​ എ​ത്തി​ച്ചാ​ണ്​ ആ​വ​ശ്യ​ക്കാ​ർ​ക്ക് വി​ൽ​പ​ന ന​ട​ത്തി​യി​രു​ന്ന​ത്. 12 പാ​ക്ക​റ്റു​ക​ളി​ലാ​യി സൂ​ക്ഷി​ച്ചി​രു​ന്ന ക​ഞ്ചാ​വ് മു​റി​യി​ൽ ​നി​ന്ന് ക​ണ്ടെ​ടു​ത്തു. ഭാ​രം അ​ള​ക്കാ​നു​പ​യോ​ഗി​ക്കു​ന്ന യ​ന്ത്ര​വും ചി​ല്ല​റ വി​ൽ​പ​ന​ക്കു​വേ​ണ്ടി​യു​ള്ള പാ​ക്ക​റ്റു​ക​ളും ല​ഭി​ച്ചു. ഒ​ന്ന​ര ല​ക്ഷം രൂ​പ​യും ഇവരിൽ നിന്ന് ക​ണ്ടെ​ടു​ത്തു.

ഇവർ ഓ​ൺ​ലൈ​നി​ലൂ​ടെ​യും സ​മൂ​ഹ​മാ​ധ്യ​മ​ങ്ങ​ളി​ലൂ​ടെ​യു​മാ​യി​രു​ന്നു ക​ച്ച​വ​ടം ന​ട​ത്തി​യി​രു​ന്ന​തെ​ന്ന് പൊ​ലീ​സ് പ​റ​ഞ്ഞു. കാ​ക്ക​നാ​ട്ട്​ ഓ​ട്ടോ​റി​ക്ഷ ഓ​ടി​ക്കു​ന്ന ഇ​ർ​ഷാ​ദ് 15 വ​ർ​ഷ​മാ​യി കൊ​ച്ചി​യി​ൽ താ​മ​സി​ക്കു​ക​യാ​ണ്. മൂ​ന്നു​വ​ർ​ഷം മു​മ്പാ​ണ്​ അ​ജ്‌​മ‌‌​ൽ കൊ​ച്ചി​യി​ൽ എ​ത്തി​യ​ത്.

അറസ്റ്റിലായ പ്രതികളെ കോടതിയിൽ ഹാജരാക്കി.