വീ​ടും സ്ഥ​ല​വും വാ​ങ്ങി ന​ല്‍കാ​മെ​ന്ന് പ​റ​ഞ്ഞ് വീ​ട്ട​മ്മ​യെ ക​ബ​ളി​പ്പി​ച്ച് പ​ണം ത​ട്ടി​: മധ്യവയസ്കൻ പിടിയിൽ

വൈ​ക്കം: വീ​ടും സ്ഥ​ല​വും വാ​ങ്ങി ന​ല്‍കാ​മെ​ന്ന് പ​റ​ഞ്ഞ് വീ​ട്ട​മ്മ​യെ ക​ബ​ളി​പ്പി​ച്ച് പ​ണം ത​ട്ടി​യ കേ​സി​ല്‍ ഒ​രാ​ൾ അറസ്റ്റിൽ. കൈ​ന​ക​രി ക​ട്ടേ​ക്ക​ളം കെ.​കെ. സോ​ണി (48)യെ​യാ​ണ് അറസ്റ്റ് ചെയ്തത്. വൈ​ക്കം പൊ​ലീ​സ് ആണ് പ്രതിയെ അ​റ​സ്റ്റ് ചെ​യ്ത​ത്.

വി​ധ​വ​ക​ളാ​യ പ​ട്ടി​ക​ജാ​തി വി​ഭാ​ഗ​ത്തി​ല്‍പ്പെ​ട്ട സ്ത്രീ​ക​ളെ സ​മീ​പി​ച്ച് ലൈ​ഫ് മി​ഷ​ന്‍ പ​ദ്ധ​തി​യി​ല്‍ ഉ​ള്‍പ്പെ​ടു​ത്തി വീ​ടും സ്ഥ​ല​വും വാ​ങ്ങി ന​ല്‍കാ​മെ​ന്നു പ​റ​ഞ്ഞു വി​ശ്വ​സി​പ്പി​ച്ച് ഇ​യാ​ള്‍ പ​ണം ത​ട്ടി​യെ​ടു​ക്കു​ക​യാ​യി​രു​ന്നു. ഇ​ത്ത​ര​ത്തി​ല്‍ വൈ​പ്പി​ന്‍ പ​ടി സ്വ​ദേ​ശി​നി​യാ​യ വി​ധ​വ​യാ​യ വീ​ട്ട​മ്മ​യെ പ​റ​ഞ്ഞു വി​ശ്വ​സി​പ്പി​ച്ച് ഒ​രു ല​ക്ഷ​ത്തി​യി​രു​പ​ത്തി​യാ​റാ​യി​ര​ത്തോ​ളം രൂ​പ ത​ട്ടി​യെ​ടു​ക്കു​ക​യാ​യി​രു​ന്നു.

Read Also : ‘നാണമില്ലേ ഗോവിന്ദന്‍ എന്ന് ചോദിക്കുന്നില്ല, അതുണ്ടെങ്കില്‍ സിപിഎം സംസ്ഥാന സെക്രട്ടറി ആകില്ലല്ലോ’

വീ​ട്ട​മ്മ പൊ​ലീ​സി​ല്‍ നൽകിയ പ​രാ​തിയുടെ അടിസ്ഥാനത്തിൽ വൈ​ക്കം പൊ​ലീ​സ് കേ​സ് ര​ജി​സ്റ്റ​ര്‍ ചെ​യ്യു​ക​യും അ​ന്വേ​ഷ​ണ​സം​ഘം ഇ​യാ​ളെ പി​ടി​കൂ​ടു​ക​യു​മാ​യി​രു​ന്നു. ഇ​യാ​ള്‍ സ​മാ​ന​മാ​യ രീ​തി​യി​ല്‍ ക​ടു​ത്തു​രു​ത്തി സ്റ്റേ​ഷ​ന്‍ പ​രി​ധി​യി​ലും ത​ട്ടി​പ്പ് ന​ട​ത്തി​യ​താ​യി പൊ​ലീ​സ് ക​ണ്ടെ​ത്തിയിട്ടുണ്ട്. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി.