പ​ള്ളി പൊ​ളി​ച്ച് നി​ർ​മ്മിക്കു​ന്ന​തി​നി​ടെ മ​ണ്ണ് ഇ​ടി​ഞ്ഞു വീ​ണ് പ​ശ്ചി​മ ബം​ഗാ​ൾ സ്വദേശി മ​രി​ച്ചു

ക​ള​മ​ശേ​രി: പ​ള്ളി പൊ​ളി​ച്ചു നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​തി​നി​ട​യി​ൽ മ​ണ്ണ് ഇ​ടി​ഞ്ഞു വീ​ണ് ഒ​രാ​ൾ മ​രി​ച്ചു. പ​ശ്ചി​മ ബം​ഗാ​ൾ, തെ​ലി​ഗാ​ഞ്ച, ഗോ​ര ഗ​ച്ച സ്വ​ദേ​ശി ഹ​സ​ൻ ഷേ​ക്ക് (34) ആ​ണ് മ​രി​ച്ച​ത്. കൂ​ടെ പ​ണി​യെ​ടു​ത്തി​രു​ന്ന പ​ശ്ചി​മ ബം​ഗാ​ൾ സ്വ​ദേ​ശി മി​ഥു​നെ (25) പ​രി​ക്കു​ക​ളോ​ടെ പ​ത്ത​ടി​പ്പാ​ല​ത്തെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

Read Also : സമുദ്രത്തില്‍ കാണാതായ അന്തര്‍വാഹിനിയില്‍ അവശേഷിക്കുന്നത് എട്ട് മണിക്കൂര്‍ ഓക്‌സിജന്‍, പ്രാര്‍ത്ഥനയില്‍ ലോകം

സൗ​ത്ത്ക​ള​മ​ശേ​രി​യി​ൽ ദേ​ശീ​യപാ​ത​യോ​ട് ചേ​ർ​ന്ന് ഞാ​ല​കം ജു​മാ മ​സ്ജി​ദ് പള്ളിയുടെ നിർമ്മാണത്തിനിടെയാണ് അപകടം ഉണ്ടായത്. വൈ​കു​ന്നേ​രം 4.30 ഓ​ടെ​യാ​ണ് സം​ഭ​വം ന​ട​ന്ന​ത്. റോ​ഡി​ൽ നി​ന്ന് 15 അ​ടി താ​ഴ്ച​യി​ൽ കു​ഴി​ച്ച്, മ​ണ്ണ് മാ​റ്റി​യ ശേ​ഷം കു​ഴി​യി​ൽ​ നി​ന്ന് ക​മ്പി കെ​ട്ടു​ന്ന​തി​നി​ട​യി​ലാ​ണ് ഒ​രു വ​ശ​ത്തു നി​ന്ന് മ​ണ്ണി​ടി​ഞ്ഞു വീ​ണ​ത്. മ​ണ്ണി​ടി​ഞ്ഞ ഭാ​ഗ​ത്തു​നി​ന്നാ​ണ് ര​ണ്ടു​പേ​ർ ക​മ്പി കെ​ട്ടി​കൊ​ണ്ടി​രു​ന്ന​ത്. മ​ണ്ണ് ഇ​ടി​ഞ്ഞു​വീ​ണ് ഹ​സ​ൻ ഷേ​ക് ത​ല​കീ​ഴാ​യി വീ​ഴു​ക​യും അ​ടു​ത്തു​ള്ള സ്വീ​വേ​ജ് വാ​ട്ട​ർ പ്ലാ​ന്‍റി​ൽ ത​ല മു​ങ്ങു​ക​യും ക​മ്പി​ക്ക​ടി​യി​ൽ ശ​രീ​ര​ഭാ​ഗ​ങ്ങ​ൾ കു​ടു​ങ്ങു​ക​യും ചെ​യ്തു. തു​ട​ർ​ന്ന്, ദേ​ഹ​ത്ത് മ​ണ്ണി​ടി​ഞ്ഞു​വീ​ണ് മൂ​ടു​ക​യാ​ണു​ണ്ടാ​യ​തെ​ന്ന് കൂ​ടെ ഉ​ണ്ടാ​യി​രു​ന്ന​വ​ർ പ​റ​ഞ്ഞു.

ഏ​ലൂ​രി​ൽ നി​ന്ന് അ​ഗ്നി ര​ക്ഷാ​പ്ര​വ​ർ​ത്ത​ക​ർ എ​ത്തി​യാ​ണ് മ​ണ്ണി​ന​ടി​യി​ൽ കു​ടു​ങ്ങി​യ ര​ണ്ടു​പേ​രെ​യും പു​റ​ത്തെ​ടു​ത്ത​ത്. ഹ​സ​ൻ ഷേ​ക്കി​നെ മെ​ഡി​ക്ക​ൽ കോ​ള​ജി​ൽ എ​ത്തി​ച്ചെ​ങ്കി​ലും ജീവൻ ര​ക്ഷി​ക്കാ​നാ​യി​ല്ല. മൃതദേഹം ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.