ചിങ്ങവനം: കെഎസ്ആര്‍ടിസി ബസ് എതിര്‍ദിശയില്‍ വന്ന ബൈക്കുമായി കൂട്ടിയിടിച്ച് ബൈക്ക് യാത്രക്കാരന് ഗുരതര പരിക്കേറ്റു. നെടുംകുന്നം സ്വദേശി രഞ്ജിത്തി(50)ന് ആണ് പരിക്കേറ്റത്. ഇയാളെ കോട്ടയത്തെ സ്വകാര്യ ആശുപത്രിയില്‍ പ്രവേശിപ്പിച്ചു.
Read Also : എറണാകുളം ജില്ലയിൽ ആഫ്രിക്കൻ പന്നിപ്പനി സ്ഥിരീകരിച്ചു: പ്രദേശത്ത് പന്നിമാംസ വിൽപനയ്ക്ക് നിരോധനം
എംസി റോഡില്‍ നാട്ടകം പുത്തന്‍ചന്തയ്ക്ക് സമീപം ഇന്നലെ വൈകുന്നേരം നാലിനാണ് അപകടം നടന്നത്. പത്തനാപുരത്തു നിന്നു വരികയായിരുന്ന ബസാണ് അപകടത്തില്‍പ്പെട്ടത്. ഇടിയുടെ ആഘാതത്തില്‍ റോഡരികിലെ ഓടയിലേക്കാണ് ബൈക്ക് തെറിച്ചുവീണത്.
സംഭവത്തെത്തുടര്‍ന്ന് ഓടിക്കൂടിയ നാട്ടുകാര്‍ ആണ് യാത്രക്കാരനെ ഓടയില്‍ നിന്ന് കയറ്റി ആശുപത്രിയിലെത്തിച്ചത്. ഇയാളുടെ വലത് കൈവിരല്‍ അറ്റനിലയിലാണ്.
Post Your Comments