തിരുവനന്തപുരം: തിരുവനന്തപുരത്ത് പാമ്പിനെ ഉപയോഗിച്ചുകൊണ്ടുള്ള വധശ്രമക്കേസില് നിര്ണായക കണ്ടെത്തല്. കൊലപ്പെടുത്താന് ഉദ്ദേശിച്ച് പ്രതി മധ്യവയസ്കന്റെ മുറിയിലേക്ക് വലിച്ചെറിഞ്ഞത് ഉഗ്രവിഷമുള്ള ശംഖുവരയന് പാമ്പിനെയായിരുന്നെന്ന് അന്വേഷണ സംഘം കണ്ടെത്തി.
പാമ്പിന്റെ ആക്രമണത്തില് നിന്ന് കാട്ടാക്കടയിലെ കുടുംബം തലനാരിഴയ്ക്കാണ് രക്ഷപ്പെട്ടത്. പാമ്പിനെ കണ്ടയുടന് തന്നെ വീട്ടുകാര് അതിനെ തല്ലിക്കൊന്നിരുന്നു. അതിന് ശേഷം ഇപ്പോഴാണ് പാമ്പ് ഏത് ഇനമാണെന്ന് പൊലീസ് സ്ഥിരീകരിച്ചിരിക്കുന്നത്.
അതേസമയം, പ്രതി കിച്ചുവിനെ കസ്റ്റഡിയില് വാങ്ങി കൂടുതല് വിവരങ്ങള് തേടാനിരിക്കുകയാണ് പൊലീസ്. പ്രതിക്കായി പൊലീസ് ഇന്ന് കസ്റ്റഡി അപേക്ഷ സമര്പ്പിക്കും.
Post Your Comments