വെഞ്ഞാറമൂട്: ബസില് യാത്രക്കാരിയോട് മോശമായി പെരുമാറിയ യുവാവ് പൊലീസ് കസ്റ്റഡിയിൽ. പൂവാര് സ്വദേശി രവിശങ്കറാണ് (25) പിടിയിലായത്. വെഞ്ഞാറമൂട് പൊലീസ് ആണ് കസ്റ്റഡിയിലായത്.
Read Also : വീട്ടില് കയറി ഇതരസംസ്ഥാന തൊഴിലാളിയുടെ ആക്രമണം: ഗൃഹനാഥന്റെ തലയ്ക്ക് പരിക്ക്
റാന്നി സ്വദേശിയായ യുവതിയുടെ പരാതിയുടെ അടിസ്ഥാനത്തിലാണ് നടപടി. തിരുവനന്തപുരത്ത് ഒരു ഇന്റർവ്യൂവിന് വന്ന് മടങ്ങുകയായിരുന്ന യുവതി സഞ്ചരിച്ചിരുന്ന കെ.എസ്.ആര്.ടി.സി ബസില് സീറ്റൊഴിഞ്ഞ് കിടന്നിട്ടും യുവാവ് യുവതിയുടെ സമീപത്ത് വന്നിരിക്കുകയും യാത്രക്കിടെ ദേഹത്ത് സ്പര്ശിക്കുകയും അശ്ലീല പ്രദര്ശനം നടത്തുകയും ചെയ്തു.
ബസ് വെഞ്ഞാറമൂട് ഡിപ്പോയിലെത്തിയപ്പോള് യുവതി കണ്ടക്ടറോട് പറയുകയും കണ്ടക്ടര് ബസ് നിര്ത്തിയിട്ടശേഷം ഡിപ്പോ അധികൃതരെ അറിയിക്കുകയുമായിരുന്നു. തുടര്ന്ന്, ഡിപ്പോ അധികൃതര് അറിയിച്ചതനുസരിച്ച് സ്ഥലത്തെത്തിയ വെഞ്ഞാറമൂട് പൊലീസ് യാത്രക്കാരിയില് നിന്ന് പരാതി വാങ്ങിയ ശേഷം യുവാവിനെ കസ്റ്റഡിയിലെടുക്കുകയായിരുന്നു.
Post Your Comments