ലണ്ടന്‍: യുകെയിലെ ഗ്ലൗസെസ്റ്റര്‍ഷയര്‍ വിമാനത്താവളത്തിന് സമീപം എ-40 ഗോള്‍ഡന്‍ വാലി ബൈപ്പാസ് റോഡിലേക്ക് ചെറുവിമാനം പൈലറ്റ് ഇടിച്ചിറക്കി. ഇതോടെ റോഡ് ഗതാഗതം താറുമാറായി. വ്യാഴാഴ്ച വൈകുന്നേരം ആറ് മണിയോടെയാണ് സംഭവം. റോഡിന് കുറുകെ ഇരുവശത്തു നിന്നും വാഹനങ്ങള്‍ക്ക് പോകാന്‍ കഴിയാത്ത വിധമായിരുന്നു വിമാനം ക്രാഷ് ലാന്‍ഡ് ചെയ്തത്.
വിവരം അറിഞ്ഞ ഉടന്‍ പൊലീസും അഗ്‌നി രക്ഷാ സേനയും സ്ഥലത്തെത്തി വിമാനം നീക്കുകയായിരുന്നു. മണിക്കൂറുകള്‍ക്ക് ശേഷമാണ് ഗതാഗതം പുന:സ്ഥാപിച്ചത്. സംഭവത്തില്‍ മറ്റ് വാഹനങ്ങള്‍ക്കോ ആളുകള്‍ക്കോ പരിക്കില്ല.
എഞ്ചിന്‍ തകരാറിനെ തുടര്‍ന്നാണ് പൈലറ്റ് റോഡിലേക്ക് ക്രാഷ് ലാന്‍ഡ് ചെയ്തതെന്നാണ് റിപ്പോര്‍ട്ട്. സംഭവത്തില്‍ അന്വേഷണം ആരംഭിച്ചിട്ടുണ്ട്. സ്റ്റാവര്‍ട്ടണിലേക്ക് പോയ വിമാനമാണ് അപകടത്തില്‍പ്പെട്ടത്.
Post Your Comments